Jwma, 19 Şilde 2019
46 - söz 3782 5 pikir 11 Şilde, 2019 sağat 10:47

Äkimder Rısqaliev sekildi jwmıs istegende, analar mitingisi bolmaytın edi

Aqpannan beri Analar barlıq oblıstarda belsendi türde qozğalıp, äkimderine tınıştıq bermegenin jaqsı bilesizder. Barlıq regiondarda jüzdegen çattar aşılıp, çattağı Analar belsendi pikirtalastar ötkizdi.
Odan bölek, 70 mıñ Ana meniñ poştama elektrondı arız tapsırsa, 3 mıñğa juıq Ananıñ qolmen jazıp tapsırğan arızdarın Prezident apparatına, Ükimetke, Parlamentke tapsırdıq. Är hat boyınşa mäseleler şeşilip (yaki şeşilmey) jatır, ol basqa äñgime...

Aytayın degenim ol emes.
Aytayın degenim - barlıq öñirlerdiñ Anaları "Aqjünis" Analar qozğalısına öte belsendi qatıstı, tek bir ğana oblıstıñ Anaları bwl qozğalısta äldeqayda "passivnıy" boldı. Ol - Atırau oblısı. Arız jazğandar da bwl oblısta öte az boldı.
Onıñ sebebi nede, bilesizder me?

Onıñ sebebin atıraulıq Analar, adminder bılay tüsindirdi: Atırau oblısında mwqtaj otbasılar, qañğıp jürgen Analar mülde joqtıñ qası. Kezinde Bergey Rısqaliev Atırau oblısınıñ äkimi bop twrğan kezde bükil oblıs halqınıñ jağdayın jasap, äleumettik mäselelerin şeşip tastağan deydi.

Eger barlıq äkimder solay jwmıs jasağanda Analar mitingileri eş jerde bolmağan bolar edi...
Halıqtıñ jağdayın jasağan äkimder qudalanadı, sottaladı.
Halıqtı qañğıtıp jibergen paraqor şeneunikter ösedi.
Mwnday paradoks Qazaqstanda ğana boladı.

Säule Äbildahanqızınıñ facebook paraqşasınan

Abai.kz

5 pikir