Beysenbi, 22 Tamız 2019
46 - söz 2110 13 pikir 16 Şilde, 2019 sağat 11:59

Qazaqstan temirjolı ne qarap otır?

Atırauda jwmıs istegenime osımen 4 jıl boldı. Men üşin ol jaqta jwmıs istegenniñ bir minusı - joldıñ qaşıqtığı. Auıl jaqqa kelip ketu qiın äri biletter öte qımbat. Atırauğa barğalı poyızğa bilet aludıñ mamanı boldım. Qanday tarifter bar, biletti neşe kün bwrın alsam arzan boladı, qay poyızdardıñ servisi jaqsı degendey.

Jalpı mwnaylı Astanadan Almatığa 2 poyız jüredi. Biri tal'go, ekinşisi jay poyız. Jay poyızğa qısta da jazda da minu öte qiın. Qıstı küni vagondardağı kömir iisinen ulanıp qaluıñız äbden mümkin. Al jaz mezgilinde ıstıqtan otıra almaysız. Almatığa deyin 52 sağat jüredi. Qısqası bwl poyızdıñ jağdayı naşar. Sovet ükimetinen qalğan eski poyız sekildi. Soğan qarağanda Qazaqstan temirjolı basşılarınıñ özderi mwnday poyızdarğa minip körmeytin siyaqtı.

Ekinşi poyız tal'go. İşi öte tar, biraq jay poyızdan eki-üş artıqşılığın atap körsetuge boladı. Kupelerde kondicioner, vagondarda dispensermen su bar jäne tezirek jüredi. Bwdan basqa artıqşılığın körgem joq. Alayda biletiniñ bağasına qarasañ, adam şoşidı. Qwddı poyızdıñ işinde tegin tamaq berip, jol boyı janğa jaylı qızmet körsetetindey qwn swraydı.

Biletti men 45 kün bwrın alamın. Keşe sol Almatı - Atırau bağıtına 19 tamızğa bilet qarasam, bir bilettiñ qwnı 32000 tg. 45 kün bwrınğı bilettiñ bağası osı. Bağaları swmdıq endi. Jäne, bwl biletter kün sayın qımbattay beredi. Jaqındağan uaqıtta bilet alğıñız kelse, jäy ğana kupege şamamen joq degende 50000 teñgege bilet aluğa tura keledi. Al bıltır däl osı uaqıtta sol biletter 19000 tg bolğan. Sonda bir jıl işinde bilet bağası 68%-ğa qımbattap ketken. Olay bağasınıñ aspanğa şarıqtauınıñ sebebi nede eken? Eşqanday jaña qızmetter qosılmağan, sol bwrınğı jol serikter, servis twrğısınan damu joq. Kerisinşe poyızdar eskirgen, tualetterinen jağımsız iis vagondarğa şığa bastağan. Halıqtıñ da aylığı bir jılda 70%-ğa köterilmedi.

Jalpı qarapayım Qazaqstannıñ azamatı retinde qattı qınjıldım. Biz äyteuir birnärse etip bilet alarmız. Biraq mümkindigi joq adamdar ne isteydi? Onı oylaytın, xalıqqa şınayı qızmet etetin Qazaqstan TemirJolı qayda eken?

Äbiläzim Abılaydıñ facebook paraqşasınan

Abai.kz

13 pikir