جالپى مۇنايلى استانادان الماتىعا 2 پويىز جۇرەدى. ءبىرى تالگو، ەكىنشىسى جاي پويىز. جاي پويىزعا قىستا دا جازدا دا ءمىنۋ وتە قيىن. قىستى كۇنى ۆاگوندارداعى كومىر يىسىنەن ۋلانىپ قالۋىڭىز ابدەن مۇمكىن. ال جاز مەزگىلىندە ىستىقتان وتىرا المايسىز. الماتىعا دەيىن 52 ساعات جۇرەدى. قىسقاسى بۇل پويىزدىڭ جاعدايى ناشار. سوۆەت ۇكىمەتىنەن قالعان ەسكى پويىز سەكىلدى. سوعان قاراعاندا قازاقستان تەمىرجولى باسشىلارىنىڭ وزدەرى مۇنداي پويىزدارعا ءمىنىپ كورمەيتىن سياقتى.

ەكىنشى پويىز تالگو. ءىشى وتە تار، بىراق جاي پويىزدان ەكى-ءۇش ارتىقشىلىعىن اتاپ كورسەتۋگە بولادى. كۋپەلەردە كونديتسيونەر، ۆاگونداردا ديسپەنسەرمەن سۋ بار جانە تەزىرەك جۇرەدى. بۇدان باسقا ارتىقشىلىعىن كورگەم جوق. الايدا بيلەتىنىڭ باعاسىنا قاراساڭ، ادام شوشيدى. قۇددى پويىزدىڭ ىشىندە تەگىن تاماق بەرىپ، جول بويى جانعا جايلى قىزمەت كورسەتەتىندەي قۇن سۇرايدى.

بيلەتتى مەن 45 كۇن بۇرىن الامىن. كەشە سول الماتى - اتىراۋ باعىتىنا 19 تامىزعا بيلەت قاراسام، ءبىر بيلەتتىڭ قۇنى 32000 تگ. 45 كۇن بۇرىنعى بيلەتتىڭ باعاسى وسى. باعالارى سۇمدىق ەندى. جانە، بۇل بيلەتتەر كۇن سايىن قىمباتتاي بەرەدى. جاقىنداعان ۋاقىتتا بيلەت العىڭىز كەلسە، ءجاي عانا كۋپەگە شامامەن جوق دەگەندە 50000 تەڭگەگە بيلەت الۋعا تۋرا كەلەدى. ال بىلتىر ءدال وسى ۋاقىتتا سول بيلەتتەر 19000 تگ بولعان. سوندا ءبىر جىل ىشىندە بيلەت باعاسى 68%-عا قىمباتتاپ كەتكەن. ولاي باعاسىنىڭ اسپانعا شارىقتاۋىنىڭ سەبەبى نەدە ەكەن؟ ەشقانداي جاڭا قىزمەتتەر قوسىلماعان، سول بۇرىنعى جول سەرىكتەر، سەرۆيس تۇرعىسىنان دامۋ جوق. كەرىسىنشە پويىزدار ەسكىرگەن، تۋالەتتەرىنەن جاعىمسىز ءيىس ۆاگوندارعا شىعا باستاعان. حالىقتىڭ دا ايلىعى ءبىر جىلدا 70%-عا كوتەرىلمەدى.

جالپى قاراپايىم قازاقستاننىڭ ازاماتى رەتىندە قاتتى قىنجىلدىم. ءبىز ايتەۋىر بىرنارسە ەتىپ بيلەت الارمىز. بىراق مۇمكىندىگى جوق ادامدار نە ىستەيدى؟ ونى ويلايتىن، xالىققا شىنايى قىزمەت ەتەتىن قازاقستان تەمىرجولى قايدا ەكەن؟

ءابىلازىم ابىلايدىڭ facebook پاراقشاسىنان

Abai.kz