Jwma, 22 Qaraşa 2019
Bilik 1312 3 pikir 12 Tamız, 2019 sağat 13:32

Asqar Beysenbaev Qazaqstannıñ Belorussiyadağı Elşisi bolıp tağayındaldı

Prezident Qasım-Jomart Toqaev Qazaqstannıñ Belarus'tegi Tötenşe jäne Ökiletti elşisin tağayındadı. Bwl turalı Aqorda saytı habarladı.

Memleket basşısınıñ ökimimen bwl qızmetken senator Asqar Beysenbaev tağayındaldı.

"Memleket basşısınıñ Jarlığımen Asqar Asanwlı Beysenbaev Qazaqstan Respublikasınıñ Belarus' Respublikasındağı Tötenşe jäne Ökiletti Elşisi, TMD Jarğılıq organdarınıñ janındağı Twraqtı Ökil qızmetin qosa atqaruşı bolıp tağayındaldı", delingen resmi habarlamada.

Osığan deyin Asqar Beysenbaev Şımkent qalasınıñ äkimi qızmetine tağayındaldı degen habar tarağan edi. Keyin bwl aqparattıñ şındıqqa säykes emestigi belgili bolğan.

Asqar Asanwlı Beysenbaev 1961 jıldıñ 31 qañtar ayında Oñtüstik Qazaqstan oblısınıñ Tülkibas audanında düniege kelgen.

Bilimi joğarı, Almatıdağı Jambıl jeñil jäne tamaq önerkäsibi tehnologiyalıq institutınıñ filialın jäne Resey-Qazaqstan Qazirgi zamanğı gumanitarlıq universitetin bitirgen, injener-tehnolog, zañger. Ekonomika ğılımdarınıñ doktorı.

Eñbek jolın 1983 jılı Tülkibas konservi zauıtında cehtıñ auısım injener-tehnologı bolıp bastadı.

1998 jılı Oñtüstik Qazaqstan oblısı Tülkibas audanınıñ äkimi bolıp tağayındaldı.

2001, 2004 jäne 2007 jılı Parlament Mäjilisiniñ deputatı bolıp saylandı. Ekinşi, üşinşi jäne törtinşi şaqırılımınıñ deputatı, Qazaqstan Respublikasınıñ Parlament Mäjilisiniñ  agrarlıq mäseleler komitetiniñ müşesi.

2013 jılı Qazaqstan Respublikası Parlamenti Senatınıñ deputatı jäne Qazaqstan Respublikası Parlamentiniñ Senatı Törağasınıñ orınbasarı bolıp saylandı.

2016 jılı qırküyek ayında Qazaqstan Respublikası Parlamenti Senatınıñ Ekonomikalıq sayasat, innovaciyalıq damu jäne käsipkerlik Komitetiniñ törağası bolıp saylandı.

2005 jılı "Qwrmet" ordeni, 2008 jılı "Sodrujestvo MPA SNG" ordeni, 2011 jılı " Parasat " jäne  2016 jılı "Dostıq" İİ-därejeli ordenderimen marapattalğan.

Abai.kz

3 pikir