Senbi, 14 Jeltoqsan 2019
Sañlaq 4892 7 pikir 26 Tamız, 2019 sağat 19:42

Älem çempionatı. Kimderden «altın» kütemiz?

8-22 qırküyek aralığında Reseydiñ Ekaterinburg qalasında bokstan älem çempionatı ötedi. Osımen 20-şı märte ötkeli otırğan älem birinşiligine 91 elden 488 sportşı qatısadı. Ayta keterligi, kezekti jahandıq dodada boksşılar 8 salmaq sanatında ğana öner körsetedi.

Qazaqstan qwraması üşin eñ tabıstı älem çempionatı 2013 jılı öz jerimizde, Almatıda ötti. Ol kezde bizdiñ boksşılar 4 altın, 2 kümis, 2 qola medal' jeñip aldı. Qazirgi qwrama sapında ol kezdegi jigitterden tek Qayrat Eräliev qana qaldı.

Al 2015 jılı Katarda ötken älem birinşiliginde Qazaqstan qwramasına eki qola medal' ğana bwyırdı. Olardı Daniyar Eleusinov (69 keli) pen Ivan Dıçko (91 keliden joğarı) jeñip aldı.

Arağa tağı eki jıl salıp ötken 19-şı kezekti älem çempionatı da biz üşin asa tabıstı bola qoyğan joq. Germaniyanıñ Gamburg qalasında Mırzağali Aytjanov şäkiritteri 1 altın, 2 kümis, 3 qola medal' aldı. Söytip, jalpı komandalıq esepte Kuba men Özbekstannan keyingi üşinşi orınğa jayğastı.

Ayta keterligi, soñğı eki älem birinşiginde de bizdiñ qwrama Özbekstannan oza almay jür. Anığın aytqanda, özbek boksşılarına esemiz ketip jürgeli biraz uaqıt boldı. Ärisin aytpağanda, biıl 16-26 säuir aralığında Tailand astanası Bangkokta ötken HHH Aziya çempionatında Özbekstannan tağı jeñildik. Bizdiñ qwrama Tailandta 2 altın, 2 kümis, 3 qola medal' aldı. Al özbekter 4 altın, bir kümis, bir qola jüldege qol jetkizdi.

Bokstan Qazaqstan qwramasınıñ bas bapkeri Ğalımbek Kenjebaev Ekaterinburgte el ümit artar azamattardıñ atın atadı.

52 keli: Säken Bibosınov
57 keli: Qayrat Eräliev
63 keli: Zäkir Safiullin
69 keli: Abılayhan Jüsipov
75 keli: Twrsınbay Qwlahmet
81 keli: Bekzat Nwrdäuletov
91 keli: Vasiliy Levit
+91 keli: Qamşıbek Qoñqabaev

52 keli

Säken Bibosınov elimizde ötken soñğı eki turnirde top jardı. Biıl mamır ayında Qızılordada ötken Qazaqstan Respublikasınıñ V Spartakiadasında jäne şildede Nwr-Swltan qalasında ötken QR Prezidenti Kubogına arnalğan VII halıqaralıq turnirde qarsılas şıdatqan joq. Al säuir ayında ötken Aziya çempionatına barğan Änuar Mwzaparov 1/8 finaldan asa almağan edi. Demek, 1997 jılı düniege kelgen jas Bibosınovtıñ Reseyde baq sınağanı äbden orındı.

57 keli

Bwrınğı bapker Aytjanovtıñ süyikti boksşılarınıñ biri Qayrat Eräliev "qartaya" bastağanına qaramastan, bwl salmaqtıñ tizginin äli eşkimge beregen joq. Qwramadağı eñ saqa boksşı bwğan deyin älem birinşiliginen 1 altın, 1 qola medal alğan. Täjiribesi mol. Biraq, soñğı kezderi iri turnirlerdegi nätijesi naşar. Aziya çempionatında şirek finalda sürindi, Prezident Kubogında qola medal'di qanağat twttı. Soğan qaramastan Reseyge attanıp bara jatqanına qarağanda, bapkerler onı almastıra alatın eşkimdi tappağan sekildi.

63 keli 

Bwrınğı 64 keli men 60 keliniñ arasınan payda bolğan jaña salmaq därejesi. Ökiniştisi, bwl eki salmaqta da birqatar jaqsı boksşılarımız bar edi. Tailandta ötken Aziya çempionatında 60 kelide Zäkir Safiullin kümis, 64 kelide Sanatäli Töltaev qola medal' alğan. Osı ekeuiniñ arasınan tañdau 32 jastağı Zäkir Safiullinge tüsken eken. Endi Reseyde osı jigit öner körsetedi. Al 1999 jılı düniege kelgen egiz boksşı Samatäli, Sanatäli Töltaevtarğa bwl jolı mümkindik berilmedi. Zäkir Safiullin jaqında ötken Prezident Kubogında indiyalıq boksşıdan jeñilip, kümis medal' aldı.

69 keli

«Qazaqtıñ salmağı» atanğan 69 kelide üzdikter az emes. Abılayhan Jüsipov pen Aslanbek Şımbergenov ekeui de mıqtı boksşılar. Biraq, soñğısı iri turnirlerde "altın" almağalı köp boldı. 2018 jılı Aziya oyındarında, biıl Aziya çempionatında özbek Bobo Usman Baturovtan jeñildi. Sondıqtan, osı jolı Abılayhan Jüsipovke senim artıldı. 22 jastağı Jüsipovtıñ eresekter arasındağı jarıstarğa qatısıp jürgenine birneşe jıl boldı. Demek, onıñ Reseyde baq sınauı äbden orındı.

75 keli

Bwl salmaqtıñ köşbasşısı Äbilhan Amanqwl bolğanımen, janküyer qauım biılğı Aziya çempionatında Twrsınbay Qwlahmettiñ önerine tänti boldı. Äbilhandı jeñgen özbek boksşısı Israil Madrimovtı Tailand jerinde qualap jürip sabadı. Nwr-Swltanda ötken Prezident kubogında da qarsılas şıdatqan joq. Onıñ üstine Äbilhan Amanqwl jaraqatınan tolıq ayıqpadı. Sol üşin Twrsınbay tağı bir märte özin däleldeuge mümkindik alıp otır.

81 keli

Bwl salmaqtıñ mıqtısı - Bek Nwrmağanbet. 1998 jılı düniege kelgen Bek Aziya çempionatında eş qiındıqsız jeñiske jetti. Biraq, jaraqat alıp qalğandıqtan älem çempionatına bara almaydı. Onıñ ornına Bekzat Nwrdäuletov attanıp baradı. Mamırda Qazaqstan Spartakiadasına 91 kelide qatısıp, qola medal' alğan. Al şildede Prezident kubogında 81 kelide öner körsetip, kümis medalge qol jetkizdi.

91 keli

91 kelide birinşi nomerli boksşı Vasiliy Levit. Biraq jası 31-ge kelgen Levitti Tailandta ötken Aziya çempionatında käris boksşısı nokautqa tüsirip ketti. Al 2000 jılı düniege kelgen Aybek Oralbay jasöspirimder arasındağı Olimpiada oyındarınıñ jeñimpazı, Qazaqstan Spartakiadasınıñ çempionı.

Şildede ötken Prezident kubogınıñ finalında eki boksşınıñ joldarı tüyisti. Tartıstı ötken jekpe-jekte Levit töreşilerdiñ şeşimimen jeñiske jetti. Täjiribesi azdau, fizikalıq twrğıdan säl jetkiliksiz demeseñiz Aybektiñ deñgeyi Vasiliyden eş kem emes. Aldağı uaqıtta 91 kelide köşbasşı auısarı sözsiz. Biraq bwl jolı tağı da Levitke ümit artamız.

+ 91 keli

Bwl salmaqta Qamşıbek Qoñqabaev köşbasşı. Qazirişe, onıñ ornına talasatın anıq favorit körinbeydi. Aziya çempionatında kümis, Prezident kubogında altın medal' aldı.

Büginge deyin sportta kindik Aziyanıñ köşbasşısımız dep jürip Özbekstannıñ qalay ozıp ketkenin bayqamay qalğanımızdı aytıp otırmız. Ekaterinburg törinde Aziyanıñ ğana emes älemniñ üzdikteri jinaladı. Demek, qarsılasımız tek özbekter ğana emes. Biraq, basta aytqanımızday 2015, 2017 jılğı älem çempionatında; 2017, 2019 jılğı Aziya çempionatında, 2016 jılğı Olimpiada oyındarında, 2017 jılğı Aziya oyındarında ala şapandı ağayındardan qalıp kettik. Osı jolı bılğarı qolğaptı batırlarımız barın salıp, janküyer ümitin aqtaydı degen senimdemiz.

Quanış Qappas

Abai.kz

7 pikir