Beysenbi, 21 Qaraşa 2019
46 - söz 795 4 pikir 10 Qazan, 2019 sağat 13:21

30 jılda memleket audarmaşılar kastasın qalıptastırğan joq...

Älemniñ türli tilderinen qazaqşağa käsibi, ädebi türde audaratın mamandar joqtıñ qası. İlespe audarmaşılar da sausaqpen sanarlıq.

30 jılda bildey Qazaq memleketi ana tilinen özge san aluan tilderge sauattı türde audaratın, tili körkem, käsibi mamandar kastasın qalıptastırğan joq...

Memleket retinde damıp boldıq dep dañğoylanamız. Al eldigimizdi paş etetin osınday memleket üşin asa mañızdı isterge nemqwraylı qaraymız.
Sırtqı ister ministrligi nege dabıl qaqpaydı? Qasım-Jomart Toqaev osı vedomstvonı qanşa jıl basqarğanda nege mäseleni qolğa almadı?

Nege Bilim ministrligine aytıp, qazaqtıñ dästürli qazaqtildi audarmaşılar mektebin qalıptastıruğa memleket tarapınan tapsırıs bermedi?

Bir memleket üşin asa qiın is pa? Francuz, käris, japon, parsı tağı da özge tilderden sauattı türde qazaq tiline audaratın mamandar legi qayda? Forumdar bolsa şaqıra qoyatın, sırttan qonaqtar kelse alıp jüretin... Orıstildiler bar, qazaqşa mamandar nege joqtıñ qası?! Ötkende korey tilinen qazaqşağa mıñq-mıñq etip audarıp twrğan audarmaşını körip, jerge kirdim. Onıñ ne aytqanın da tüsinbey dal boldım...

Mwnday ispen memleket aynalısu kerek!

Ol -memleket üşin kerek!

Dariğa Nazarbaeva Sağadievpen qosılıp alıp, eş dayındığı joq wstazdar qauımın birneşe kurspen-aq ağılşınşa söyletip jibergisi kelgeni endi aqılğa sıymaydı... Byudjetten milliardtağan qarjı bölindi. Ol qaytqan joq. Bayansız şiki bastamadan memlekettik byudjet - bizdiñ salığımız orasan zor zardap şekti. Endi kim jauap beredi. Eşkim jauap bermeydi... Nege jauap bermeytinin men aytpasam da, işteriñiz sezip otırğan bolar. Qazaqstanda barlıq şet tili tek qana orıs tilinde oqıtıladı! Qazaqşa oqulıqtar joq! Däris beretin pedagogtar joq! Sağidiev-Nazarbaevanıñ "reformasına" ketken san mlrd qarajattı osı "audarma isine" jibergende, memleket üşin paydası oñınan bolar edi...

Bwl - twtas jüyeniñ ana tiline degen nietinen tuğan problema. Olardı 30 jıl boyı orıstildi audarmaşılar süyemeldep jürdi. Forumdarda, is saparlarda, memlekettik mañızdı is-şaralarda...
Qazaqtildi audarmaşılarğa memleket tarapınan swranıs bolmağandıqtan, bwl salağa töl mektepten tälim alğandar barğan joq jäne alda barmaydı da.

Al, sizder, "Aqan Sataev nege eñ birinşi memlekettik tildegi audarmanı kinoteatrlarğa salğan joq" dep küyinesizder. Osınday kündelikti qarapayım oqiğalar legi arqılı Qazaq memleketinde orıs tili äli de üstemdik qwrıp kele jatqanın tüsinemiz.

Ayta-ayta jauır bolğan äñgime, biraq ärbir qazaq balası eñirep twrıp jılaytın dünie...

Dina Elgezektiñ jazbası

Abai.kz

4 pikir