Seysenbi, 12 Qaraşa 2019
Ekonomika 646 1 pikir 21 Qazan, 2019 sağat 13:44

Jaña kölik satıp alatın alatındardıñ qatarı köbeygen

Toğız aydıñ işinde (qañtar-qırküyek 2019) el twrğındarı 499,8 mlrd. teñgege 51,8 mıñ jaña kölik satıp alğan. Bwl turalı Qazaqstan avtobiznes associaciyası habarlaydı.

Toğız aydıñ işinde eñ köp satılğan kölik Qostanaydağı «SarıarkaAvtoönerkäsip» öndiretin Hyundai jeñil avtoköligi. Toğız ayda köliktiñ 1 345 danası satılğan. Al bwl bıltırğı satılımnan 76% köp. Ekinşi orında Toyota. Köp tarağan köliktiñ bwl türiniñ 1 204 danası satılıptı. Sonday-aq Reseydiñ Lada markalı köliginiñ 957 danası, Özbekstan şığaratın Ravon markasınan 559 kölik iesin tauıptı.

Qazaqstan avtobiznes associaciyasınıñ derekterine qarağanda, Qazaqstanda şığarılatın kölikterge swranıs artqan. Mäselen, satılğan on maşinanıñ segizi elimizde qwrastırılğan avtokölikter. Söytip bıltırğı jılmen salıstırğan otandıq avtokölikterge swranıs 9% ösken.

Biıl toğız ayda Qazaqstanda 33 500 avtokölik şığarılğan. Al öndirilgen avtokölikterdiñ 50% «SarıarkaAvtoönerkäsip» şığarğan. Kompaniya eldegi eñ ülken avtoöndiruşi. Kompaniya Resey, Qırğızstan, Belorus' elderine kölik eskporttaydı. Toğız ayda 1 243 avtokölik eskporttalğan. Söytip kompaniya jeñil kölik, auır maşina jäne avtobus öndirisin eki esege köterip, 119 335 million teñgeniñ köligin şığarğan.

Al biıl jaña kölikterdi satu körsetkişi 70 mıñğa jetedi dep boljanadı. Sonday-aq 4% jeñildetilgen avtonesie bağdarlamasına wlttıq bank 14,5 mlrd teñge bölgen. Bwğan qosa ekinşi deñgeyli bankterge 5,5 mlrd teñge jäne bölmekşi. Söytip jıl soñına deyin 2800 jeñil kölik arnayı nesie jolımen beriledi delinip otır.

1 pikir