سارسەنبى, 13 قاراشا 2019
ەكونوميكا 656 1 پىكىر 21 قازان, 2019 ساعات 13:44

جاڭا كولىك ساتىپ الاتىن الاتىنداردىڭ قاتارى كوبەيگەن

توعىز ايدىڭ ىشىندە (قاڭتار-قىركۇيەك 2019) ەل تۇرعىندارى 499,8 ملرد. تەڭگەگە 51,8 مىڭ جاڭا كولىك ساتىپ العان. بۇل تۋرالى قازاقستان اۆتوبيزنەس اسسوتسياتسيياسى حابارلايدى.

توعىز ايدىڭ ىشىندە ەڭ كوپ ساتىلعان كولىك قوستانايداعى «سارىاركااۆتوونەركاسىپ» وندىرەتىن Hyundai جەڭىل اۆتوكولىگى. توعىز ايدا كولىكتىڭ 1 345 داناسى ساتىلعان. ال بۇل بىلتىرعى ساتىلىمنان 76% كوپ. ەكىنشى ورىندا Toyota. كوپ تاراعان كولىكتىڭ بۇل ءتۇرىنىڭ 1 204 داناسى ساتىلىپتى. سونداي-اق رەسەيدىڭ Lada ماركالى كولىگىنىڭ 957 داناسى، وزبەكستان شىعاراتىن Ravon ماركاسىنان 559 كولىك يەسىن تاۋىپتى.

قازاقستان اۆتوبيزنەس اسسوتسياتسيياسىنىڭ دەرەكتەرىنە قاراعاندا، قازاقستاندا شىعارىلاتىن كولىكتەرگە سۇرانىس ارتقان. ماسەلەن، ساتىلعان ون ماشينانىڭ سەگىزى ەلىمىزدە قۇراستىرىلعان اۆتوكولىكتەر. ءسويتىپ بىلتىرعى جىلمەن سالىستىرعان وتاندىق اۆتوكولىكتەرگە سۇرانىس 9% وسكەن.

بيىل توعىز ايدا قازاقستاندا 33 500 اۆتوكولىك شىعارىلعان. ال وندىرىلگەن اۆتوكولىكتەردىڭ 50% «سارىاركااۆتوونەركاسىپ» شىعارعان. كومپانيا ەلدەگى ەڭ ۇلكەن ءاۆتووندىرۋشى. كومپانيا رەسەي، قىرعىزستان، بەلورۋس ەلدەرىنە كولىك ەسكپورتتايدى. توعىز ايدا 1 243 اۆتوكولىك ەسكپورتتالعان. ءسويتىپ كومپانيا جەڭىل كولىك، اۋىر ماشينا جانە اۆتوبۋس ءوندىرىسىن ەكى ەسەگە كوتەرىپ، 119 335 ميلليون تەڭگەنىڭ كولىگىن شىعارعان.

ال بيىل جاڭا كولىكتەردى ساتۋ كورسەتكىشى 70 مىڭعا جەتەدى دەپ بولجانادى. سونداي-اق 4% جەڭىلدەتىلگەن اۆتونەسيە باعدارلاماسىنا ۇلتتىق بانك 14,5 ملرد تەڭگە بولگەن. بۇعان قوسا ەكىنشى دەڭگەيلى بانكتەرگە 5,5 ملرد تەڭگە جانە بولمەكشى. ءسويتىپ جىل سوڭىنا دەيىن 2800 جەڭىل كولىك ارنايى نەسيە جولىمەن بەرىلەدى دەلىنىپ وتىر.

1 پىكىر