Сенбі, 7 Желтоқсан 2019
Жаңалықтар 704 1 пікір 14 Қараша, 2019 сағат 11:15

АҚШ пен Түркия президенттері Вашингтонда кездесті

АҚШ пен Түркия америкалық F-35 жойғыш ұшақтары өндірісі жөніндегі бірлескен бағдарламаның болашағын талқылады.

Бұл туралы АҚШ президенті Дональд Трамп сәрсенбі күні Түркия президенті Режеп Ердоғанмен келіссөздер қорытындысына арналған баспасөз конференциясында мәлімдеді.

Трамптың айтуынша, F-35 жойғыш ұшақтарының бірлескен өнідірісін жалғастыруға болады.

Ақ үй басшысы келіссөздерде Түркияның Ресейден С-400 зенит-зымыран кешенін сатып алғаны да сөз болған. Трамптың айтуынша, тараптар бұл мәселені талқылауға әзір.

АҚШ президенті Түркиямен сауда әріптестігін дамыту жоспарда бар деп айтты. Екі ел арасындағы сауда айналымы ​20 миллиард долларға жеткен. Сауда көлемін 100 миллиард долларға жеткізуге болатыны айтылды.

Түркияның Сирияның солтүстігінде әскери операция жүргізуіне байланысты екі ел қатынасы суып кеткен еді. Оның алдында Вашингтон Анкараны F-35 ​ өндірісі жөніндегі бағдарламадан шығарып тастаған. Оған Түркияның Ресейден С-400 кешенін сатып алуы себеп болған.

Abai.kz

1 пікір