بۇل تۋرالى اقش پرەزيدەنتى دونالد ترامپ سارسەنبى كۇنى تۇركيا پرەزيدەنتى رەجەپ ەردوعانمەن كەلىسسوزدەر قورىتىندىسىنا ارنالعان ءباسپاسوز كونفەرەنتسياسىندا مالىمدەدى.
ترامپتىڭ ايتۋىنشا، F-35 جويعىش ۇشاقتارىنىڭ بىرلەسكەن ءونىدىرىسىن جالعاستىرۋعا بولادى.
اق ءۇي باسشىسى كەلىسسوزدەردە تۇركيانىڭ رەسەيدەن س-400 زەنيت-زىمىران كەشەنىن ساتىپ العانى دا ءسوز بولعان. ترامپتىڭ ايتۋىنشا، تاراپتار بۇل ماسەلەنى تالقىلاۋعا ءازىر.
اقش پرەزيدەنتى تۇركيامەن ساۋدا ارىپتەستىگىن دامىتۋ جوسپاردا بار دەپ ايتتى. ەكى ەل اراسىنداعى ساۋدا اينالىمى 20 ميلليارد دوللارعا جەتكەن. ساۋدا كولەمىن 100 ميلليارد دوللارعا جەتكىزۋگە بولاتىنى ايتىلدى.
تۇركيانىڭ سيريانىڭ سولتۇستىگىندە اسكەري وپەراتسيا جۇرگىزۋىنە بايلانىستى ەكى ەل قاتىناسى سۋىپ كەتكەن ەدى. ونىڭ الدىندا ۆاشينگتون انكارانى F-35 ءوندىرىسى جونىندەگى باعدارلامادان شىعارىپ تاستاعان. وعان تۇركيانىڭ رەسەيدەن س-400 كەشەنىن ساتىپ الۋى سەبەپ بولعان.
Abai.kz
