Өзбекстан инновация министрлігінің басқарма басшысы Жамолиддин Бабахановтың айтуынша, өндіріс биыл мамыр айында басталады. Зауыт Ташкент облысы Бектемір ауданында салынады. Құрылыс биыл қыркүйек айында аяқталуы тиіс.
Шетелдік компания жобаның алғашқы кезеңінде 3 млн доллар инвестиция салады. Жобаның екінші кезеңінде 5-6 млн доллар инвестиция тартылады. Зауыт 100 адамға жұмыс береді.
"Жасанды тыныс алу аппараты қазір әлемнің 12 елінде шығарылады. Мұндай зауыттың Өзбекстанда ашылуы - елдің медициналық қауіпсіздігін арттырады", - дейді "CHIRANA+" компаниясының бас директоры Василий Шимко.
Аппарат болашақта Тәжікстан, Түркіменстан, Қырғызстан және Ауғанстанға сатылады.
Өзбекстанда 342 адам коронавирус жұқтырған. Бұл туралы республиканың денсаулық сақтау министрлігі хабарлады.
Abai.kz
