Сәрсенбі, 3 Маусым 2020
COVID-19 ҚАЗАҚСТАНДА. Жұқтырғандар — 11571. Жазылғандар — 5941. Қайтыс болғандар — 44
717 14 пікір 6 Сәуір, 2020 сағат 10:34

Мұнай келіссөздері Мәскеу мен Эр-Рияд дауына байланысты кейінге қалды

Мұнай экспорттаушы елдердің 6 сәуірге жоспарланған конференциясы кейінге шегерілді. Reuters агенттігінің хабарлауынша, видеоконференция форматында ұйымдастырылатын форум 8 немесе 9 сәуірде өтуі мүмкін.

Мәскеу мен Эр-Рияд арасындағы дау конференцияның жоспарланған уақытта өтпеуіне себеп болды. Олар мұнай бағасының құлдырауына бірін-бірі кінәлап отыр.

Форумды АҚШ президенті Дональд Трамп өткізгісі келіп отыр. Ол әлемдегі мұнай нарығы тұрақталғанын қалайды.

30 наурызда мұнай бағасы 18 жыл бұрын тіркелген ең төменгі межеге жетті. Коронавирус пандемиясы салдарынан мұнайға сұраныс күрт кеміді. Әлемде көлік қозғалысы азайып, көптеген кәсіпорын жұмысын тоқтатты.

Конференцияда мұнай экспорттаушы елдер мұнай шикізаты өндірісін шектеуге келісуге тырысады.

Abai.kz

14 пікір