Алматы облысында мемлекеттен 1,2 млрд теңге қаржы бөлінген нысан қирады.Бұл туралы Azattyq-ruhy.kz хабарлады. 

Нақтырақ айтсақ, Алматы облысы Ұйғыр ауданында «Ауыл – ел бесігі» бағдарламасы аясында салынып жатқан спорт кешенінің бір бөлігі құлап қалған. Спорт кешенінің құрылысы 2019 жылы басталған және жоспар бойынша 2020 жылдың соңында аяқталуы тиіс.

«Мемлекет есебінен 1 244 483,7 мың теңге қаржы (1,2 млрд теңгеден аса – ред.) бөлінген. Тапсырыс беруші – Алматы облысының құрылыс басқармасы. Мердігер компания – «Лидер-НК» ЖШС. Аталмыш нысанның бір бөлігінің құлауына байланысты арнайы комиссия келіп тексеріс жұмыстарын жүргізіп, жиын өткізді», - деп хабарлады облыстық құрылыс басқармасы басшысының орынбасары Еркебұлан Үсенбаев.

Сонымен қатар, жергілікті әкімдік өкілі комиссия қорытындысына сәйкес, жауапты мекеме олқылықтарды қалпына келтіретінін хабарлаған.

Abai.kz