«Қазақстандық экономист Айдархан Құсайынов Өзбекстанның Қазақстанды артта қалдыратынына сенімді», деп хабарлайды Украина.ру.
⠀
«Бүгін-ертең Өзбекстан Қазақстанды қуып жетіп, артта қалдырады дей алмаймын. Екеуінің арасындағы арақашықтық тым үлкен. Дей-тұра Өзбекстан экономикасының өсу қарқыны Қазақстаннан жоғары. Бізде алдағы бес жылда экономиканың өсімін 5%ға жеткізу көзделген, алайда бұның өзі Қазақстан жағдайында стагнация болып есептеледі. Экономика өсуі үшін ол 5%-дан кем көрсеткіш көрсетпеуі тиіс, одан төмен көрсеткіштің бәрі стагнация.

Өзбекстан экономикасының қарқыны соңғы 12 жылда Қазақстаннан жоғары. Өкінішке орай Өзбекстан бұл қарқынмен Қазақстанды қуып жетеді. Бүгін Өзбекстанда қарқынын арттыру мүмкіндігі бар, ал Қазақстанда ол жоқ. Қазақстан өзінің экономикасын құрылымдық түрде өзгертпесе, өсу қарқыны  5%-дан жоғары болмайды. Ал Өзбекстан 10, тіпті 12% көрсеткіш көрсетуі ғажап емес. Ерте ме, кеш пе, бұл болатын дүние», - деді сарапшы.

Abai.kz