Қырғызстан президенті Садыр Жапаров жаңа Конституцияға қол қойды. Сәуір айында жаңа Конституция үшін референдум ұйымдастырылған еді. Енді Қырғызстан президенттік басқару жүйесіндегі мемлекетке айналды. 

Жаңа Конституцияны енгізу бойынша қаулыға қол қойғаннан кейін, Садыр Жапаров халыққа үндеу жасады. Ол Қырғызстанның экономикалық дағдарысты бастан кешіріп жатқанын айтты.

«Бұған дейінгі президенттер дәл қазіргідей ауыр экономикалық дағдарысқа тап болған жоқ. Бүгін Қырғызстан экономикасы ауыр жағдайда. Дефицит 20 млрд сомды құрайды. Пандемия салдарынан әлі күнге дейін сауда қатынасы қалпына келмеді», - деді ол.

Қырғызстанның ЖІӨ көрсеткіші өткен жылы 9%-ға дейін түсіп кеткен. Бұл соңғы 20 жылдағы ең нашар көрсеткіш болып табылады.  Конституцияның өзгеруіне көпшілік қарсылық білдіріп, Ханституция деп атауда.

Abai.kz