20 тамызда қазақстандық паралимпиадалық команда Жапонияға аттанды. Токио-2020 XVI жазғы Паралимпиадалық ойындары 2021 жылдың 24 тамызы мен 5 қыркүйегі аралығында өтеді.

Биыл біздің елдің атынан дүбірлі спорт додасына Сиязбек Далиев, Нұрали Советканов, Зульфия Габидулина, Роман Агалаков, Әлия Рахимбекова, Нұрдәулет Жұмағали, Ержан Сәлімгереев, Дастан Мұқашбеков, Салтанат Әбілхасымқызы, Аманжол Жанбота, Зарина Байбатина, Дәулет Теміржан, Даяна Федосова, Ануар Сариев, Ғалымжан Смағұлұлы, Спатай Бибарыс, Нұрлан Домбаев, Нышан Өмірәлі, Досмалова Камиля, Давид Дегтерев, Раушан Қойшыбаева, Хамаев Рахмеджан, Абдыхалыкова Гүлбану, Алина Солодухина, Айсұлу Джумабаева қатысады.

Сонымен бірге Халықаралық Паралимпиада комитеті қазақстандық дзюдошы Ерлан Өтеповке (100 келі) тағы бір лицензия бөлді. Ерлан - пара дзюдодан халықаралық спорт шебері, 2019 жылғы Азия мен Мұхит чемпионатының жеңімпазы.

Abai.kz