Денсаулық сақтау министрлігі 2022 жылдың қаңтарына арналған коронавирус туралы жаңа болжамын жариялады. Бұл туралы Tengrinews.kzке сілтеме жасап Abai.kz хабарлайды. 

Денсаулық сақтау министрлігі болжамына сәйкес, 2022 жылдың қаңтарында оптимистік сценарий бойынша күніне орташа есеппен коронавирус инфекциясының 650 жағдайы тіркеледі. Нақты - 1500, жағдай нашарласа 3000 дерек тіркелуі мүмкін.

"Коронавирус инфекциясы бойынша эпидемиологиялық жағдай болжамына сәйкес қазір тәулігіне орта есеппен 560 жағдай тіркеліп отыр, оптимистік сценарий бойынша келе жатырмыз. Республикада коронавирус инфекциясы бойынша эпидемиологиялық жағдай тұрақталып келе жатқаны байқалады, жағдай министрлік бақылауында", - деді денсаулық сақтау министрі міндетін атқарушы Жандос Бүркітбаев Үкімет отырысында.

Abai.kz