Алматының бас санитарлық дәрігері Жандарбек Бекшин жаңа болжам айтты. Баспасөз мәслихаты барысында ол омикрон штаммының қауіп төндіретінін түсіндіріп, алматылықтарды осы сынаққа дайындалуға, екпе алуға шақырды.

"Алматыда омикрон штаммы толқыны сөзсіз болады. 2022 жылдың қаңтар айының ортасында дельта нұсқасын біртіндеп ауыстыратын омикрон басым болады деп күтілуде. Бесінші толқын келер жылдың наурыз айының ортасында шарықтау шегіне жетеді" дейді Бекшин.

Сонымен қатар, алдағы Жаңа жыл мерекелеріне байланысты Бекшин адам көп жиналатын орындарға баруды шектеуді, банкеттерге бармауды және мерекені отбасымен тойлауды ұсынды. Оның айтуынша, жаңа жылдық мерекелер коронавирустың таралуына себеп болмауы керек.

Abai.kz