2022 жылдың бірінші тоқсанында Қазақстанға ревакцинацияға "Спутник Лайт" вакцинасының миллион дозасы жеткізіледі. Бұл туралы Денсаулық сақтау министрлігі Санитарлық-эпидемиологиялық бақылау комитетінің басшысы Айжан Есмағамбетова айтты.

"Жеткізушілермен күн сайын келіссөз жүргізіледі. "Спутник Лайт" бойынша алдын ала келіссөз жүргізілді. Әзірге 2022 жылдың бірінші тоқсанында бір миллионға жуық доза жеткізіледі. Желтоқсанның аяғы - қаңтардың басы - алғашқы 150 мың доза. Жеткізу туралы келісім бар", - деді Есмағамбетова Үкімет отырысы алдында.

Бұрынғы денсаулық сақтау министрі Алексей Цой "Спутник V" ревакцинацияға жарамсыз деп түсіндірген болатын. Өйткені оның құрамында екі түрлі компонент бар.

Abai.kz