Айналайын идеологтар мен ақпарат саясатының басшылары! Қазақ тілін сыйласаңыздаршы!

Бір күн бұрын президенттеріңіз Конституциялық референдум өтетінің туралы мәлемдеді. Соған қатысты мақала жазайын десем, ұсынылып отырған өзгерістердің мәтіні БАҚ-та тек орыс тілінде ғана бар.

Интернетті шарлап, қазақшасын іздедім.

Жоқ!

Тағы да «Ескі Қазақстандағыдай» ресми мәтіндерді орысшадан өзіміз аударамыз ба? Ұят деген болу керек қой осы! Ертең сол референдумдарыңның да тағдырын шешетін де сол қазақтар емес пе?

Президент, парламент, үкіметтің ресми құжаттары, референдумға ұсынылатын өзгерістер алдымен мемлекеттік тілде жариялануы керек емес пе?!

Түйін: Комментте бір бауырым «Егемен Қазақстанды» мысал ретінде келтіріпті. Дұрыс екен! Бірақ ол газетті бәрі оқи бермейді. Және де мен мемлекеттегі бүкіл ақпарат жүйесінде қалыптасқан теріс дәстүрді айтып отырмын, яғни құжат алдымен орысша жарияланады да, қазақшасы соған қосымша боп жатады.

Әміржан Қосанның жазбасы

Abai.kz