Теміртау қаласында Елбасы Нұрсұлтан Назарбаевтың өмірін баяндайтын "Көшбасшы жолы" атты трилогияны түсіру жалғасып жатыр.

"Трилогия тек Қазақстанда ғана емес, Ресейде, Украина мен Эстонияда да түсірілу үстінде. Онда Нұрсұлтан Назарбаев 1962 жылы Хельсинкийдегі Дүниежүзілік жастар фестиваліне бара жатқан кеме бортында Юрий Гагаринді жолықтырады". Бұл туралы Қарағанды облысы әкімдігінің ақпараттық порталында жарияланған хабарламада.

Сценарий бойынша фильмдегі оқиғалар 1959-1965 жылдар аралығында өтеді. Қазір "Арселор-Миттал Теміртау" АҚ аумағында фильмнің ауқымды көріністері түсіріліп жатыр. Мысалы, ең бірінші шойынның құйылу сәті, салтанатты жиын мен өндірістегі апат сынды көріністер сол жерде сахналануда.

"Өнердің құдіретімен 60-жылдарға қарай шегініс жасадық. Домна пешінің алдында кеңестік ұрандар мен транспаранттар желбіреп, трибунада Лениннің портреті пайда болды. Әріректе "Победа" көлігінің бүйірі бұлтиып тұр. Салтанатты митинг көрінісіне 700 адам қатысты" делінген хабарламада.

Көрермендер кино картинадан Виктор Сухоруков, Сергей Шакуров, Юрий Соломин сынды ресейлік жұлдыздарды көре алады. Авторлар фильмді 3D форматына көшіруді көздеп отыр. Картина көрермен назарына 2013 жылы ұсынылуы тиіс.

Дереккөз: Айқын

Теміртау қаласында Елбасы Нұрсұлтан Назарбаевтың өмірін баяндайтын "Көшбасшы жолы" атты трилогияны түсіру жалғасып жатыр.

"Трилогия тек Қазақстанда ғана емес, Ресейде, Украина мен Эстонияда да түсірілу үстінде. Онда Нұрсұлтан Назарбаев 1962 жылы Хельсинкийдегі Дүниежүзілік жастар фестиваліне бара жатқан кеме бортында Юрий Гагаринді жолықтырады". Бұл туралы Қарағанды облысы әкімдігінің ақпараттық порталында жарияланған хабарламада.

Сценарий бойынша фильмдегі оқиғалар 1959-1965 жылдар аралығында өтеді. Қазір "Арселор-Миттал Теміртау" АҚ аумағында фильмнің ауқымды көріністері түсіріліп жатыр. Мысалы, ең бірінші шойынның құйылу сәті, салтанатты жиын мен өндірістегі апат сынды көріністер сол жерде сахналануда.

"Өнердің құдіретімен 60-жылдарға қарай шегініс жасадық. Домна пешінің алдында кеңестік ұрандар мен транспаранттар желбіреп, трибунада Лениннің портреті пайда болды. Әріректе "Победа" көлігінің бүйірі бұлтиып тұр. Салтанатты митинг көрінісіне 700 адам қатысты" делінген хабарламада.

Көрермендер кино картинадан Виктор Сухоруков, Сергей Шакуров, Юрий Соломин сынды ресейлік жұлдыздарды көре алады. Авторлар фильмді 3D форматына көшіруді көздеп отыр. Картина көрермен назарына 2013 жылы ұсынылуы тиіс.

Дереккөз: Айқын