Сенбі, 25 Маусым 2022
711 0 пікір 25 Мамыр, 2022 сағат 14:45

Техастағы шетін оқиға: 21 адам қаза тапты

АҚШ-тың оңтүстігіндегі Техас штатында Ювалде қаласындағы бастауыш мектепке қарулы шабуыл жасалып, кемінде 19 бала және екі мұғалім қаза болды. Бұл жөнінде Associated Press хабарлады. 

Әзірге толық емес мәліметке қарағанда, күдіктіні полиция атып өлтірген.

Ресми орындардың хабарлауынша, 18 жастағы шабуылдаушы Сальвадор Рамос бастауыш мектепке шабуыл жасамай тұрып әжесінің үйінде оқ атқан. Жаөспірім Мексика шекарасына жақын Увальде қаласында студент болған.

"Ол әуелі әжесінің үйінде оған оқ атқан" деді Техас қоғам қауіпсіздігі департаментінің өкілі Эрик Естрада. Оның сөзіне қарағанда, әжесі әуе ұшағымен ауруханаға жеткізілген. 66 жастағы әйелдің жағдайы ауыр деп айтылады.

Ақпаратқа қарағанда, әжесінің үйінен шыққаннан кейін Сальвадор Рамостың көлігі жолшыбай бастауыш мектептің маңындағы арыққа тығылған. Бұдан соң Рамос қаруымен мектепке кіріп, оқ атқан.

Оқиға сейсенбі, 24 мамырда болған. Бастауыш мектепте 7 мен 10 жас аралығындағы балалар оқиды. Шабуыл кезінде кемінде 15 адам зардап шеккен.

Шабуылға қандай оқиғаның түрткі болғаны белгісіз. Қала тұрғындары мен мектеп оқушыларының басым бөлігінің тегі испан. Оқушылардың көбі тұрмысы нашар отбасылардан шыққан деп жазды The Texas Tribune сайты.

Оқиға жайлы президент Джо Байденге хабар берілді. Бұл штат тарихындағы ең қанды шабуылдардың бірі. 1966 жылы Техас университетінің мұнарасындағы атыстан 16 адам қаза болған. 2018 жылы Санта Фе орта мектебіндегі атыстан он адам опат болған.

Abai.kz

0 пікір