Ауа-райының жылуына байланысты, аймақта қар қарқынды ери бастады. Наурыздың алтысына қараған түні Кербұлақ ауданының Қызылжар ауылы көшелерін су басқан.

"Қазіргі уақытта жағдай тұрақты, су деңгейі төмендеді. Еріген су транзиттік режимде Байғазы өзеніне ағады. Жергілікті атқарушы органдардың, Жетісу облысының ТЖД және жергілікті тұрғындардың күшімен арық жүйесін тереңдету және тазарту жұмыстары жүргізілуде, инертті материалдары бар қапшықтар дайындалуда, еріген суларды егістіктерден бұру арнасы қазылуда", - деп хабарлады ТЖ өңірлік департаменті.

Құтқару ведомствосы 6-8 наурыз аралығында облыста қардың қарқынды еруі, өзендердегі су деңгейінің көтеріліп, су тасқыны болуы мүмкін екенін атап өтті.

Abai.kz