اۋا-رايىنىڭ جىلۋىنا بايلانىستى، ايماقتا قار قارقىندى ەري باستادى. ناۋرىزدىڭ التىسىنا قاراعان ءتۇنى كەربۇلاق اۋدانىنىڭ قىزىلجار اۋىلى كوشەلەرىن سۋ باسقان.

"قازىرگى ۋاقىتتا جاعداي تۇراقتى، سۋ دەڭگەيى تومەندەدى. ەرىگەن سۋ ترانزيتتىك رەجيمدە بايعازى وزەنىنە اعادى. جەرگىلىكتى اتقارۋشى ورگانداردىڭ، جەتىسۋ وبلىسىنىڭ تجد جانە جەرگىلىكتى تۇرعىنداردىڭ كۇشىمەن ارىق جۇيەسىن تەرەڭدەتۋ جانە تازارتۋ جۇمىستارى جۇرگىزىلۋدە، ينەرتتى ماتەريالدارى بار قاپشىقتار دايىندالۋدا، ەرىگەن سۋلاردى ەگىستىكتەردەن بۇرۋ ارناسى قازىلۋدا", - دەپ حابارلادى تج وڭىرلىك دەپارتامەنتى.

قۇتقارۋ ۆەدومستۆوسى 6-8 ناۋرىز ارالىعىندا وبلىستا قاردىڭ قارقىندى ەرۋى، وزەندەردەگى سۋ دەڭگەيىنىڭ كوتەرىلىپ، سۋ تاسقىنى بولۋى مۇمكىن ەكەنىن اتاپ ءوتتى.

Abai.kz