Конституция күні мерекесі қарсаңында Павлодар облысының әкімі Бақытжан Сағынтаев облыстың мәдениет және өнер салаларының дамуына қосқан жеке үлесі мен мәдени әлеуетті нығайтуға бағытталған жемісті еңбегі үшін шығармашыл зиялылардың бір тобын  әкім гранттарымен марапаттады.

Аймақ басшысы әкімдіктіктегі салтанатты жиында жергілікті әдебиетшілер, музыканттар, әртістер арасынан озық өнерімен танылған тоғыз адам: ақын, аудармашы Виктор Семерьянов, Шарбақты ауданындағы Мәдениет үйінің «Лейся песня» және «Қарлығаш» вокалды топтарының жетекшісі Николай Вакула, Ж.Аймауытов атындағы қазақ музыкалы драма театрының актеры Әділ Дәурен, А.Чехов атындағы драма театрының актеры Дмитрий Доморощенов, мүсінші Бота Машрапов, айтыскер ақын, «Шаңырақ» ақындар мектебінің жетекшісі Асығат Тұрғанбек және ақын, журналист Арман Қаниға шығармашылық табыс тілей отырып,  әрқайсына 300 мың теңге көлеміндегі   әкім  грантын табыс етті.

Дағдарыс кезеңінің өзінде өңір халқының мәдени өмірінің дамуына да  айрықша назар аударып, шығармашылық адамдарына қамқорлық  көрсетуімен танылған облыс әкімі Бақытжан Сағынтаевқа грант иелері ризашылық сезімін білдіріп, алдағы уақытта да ел игілігі үшін шығармашылықпен еселі еңбек ететінін мәлімдеді.

А. БАҚТАНҰЛЫ

Конституция күні мерекесі қарсаңында Павлодар облысының әкімі Бақытжан Сағынтаев облыстың мәдениет және өнер салаларының дамуына қосқан жеке үлесі мен мәдени әлеуетті нығайтуға бағытталған жемісті еңбегі үшін шығармашыл зиялылардың бір тобын  әкім гранттарымен марапаттады.

Аймақ басшысы әкімдіктіктегі салтанатты жиында жергілікті әдебиетшілер, музыканттар, әртістер арасынан озық өнерімен танылған тоғыз адам: ақын, аудармашы Виктор Семерьянов, Шарбақты ауданындағы Мәдениет үйінің «Лейся песня» және «Қарлығаш» вокалды топтарының жетекшісі Николай Вакула, Ж.Аймауытов атындағы қазақ музыкалы драма театрының актеры Әділ Дәурен, А.Чехов атындағы драма театрының актеры Дмитрий Доморощенов, мүсінші Бота Машрапов, айтыскер ақын, «Шаңырақ» ақындар мектебінің жетекшісі Асығат Тұрғанбек және ақын, журналист Арман Қаниға шығармашылық табыс тілей отырып,  әрқайсына 300 мың теңге көлеміндегі   әкім  грантын табыс етті.

Дағдарыс кезеңінің өзінде өңір халқының мәдени өмірінің дамуына да  айрықша назар аударып, шығармашылық адамдарына қамқорлық  көрсетуімен танылған облыс әкімі Бақытжан Сағынтаевқа грант иелері ризашылық сезімін білдіріп, алдағы уақытта да ел игілігі үшін шығармашылықпен еселі еңбек ететінін мәлімдеді.

А. БАҚТАНҰЛЫ