18 тамызда Forbes АҚШ президенті Джо Байденнің Өзбекстан президенті Шавкат Мирзияевке жолдаған хатының мәтінін жариялады.

Онда АҚШ президенті өзбек басшысын қыркүйектің аяғында Нью-Йоркта БҰҰ-ның Бас Ассамблеясы сессиясының ашылуы кезінде өтетін "Орталық Азия- АҚШ" (С5+1) форматындағы бірінші саммитке шақырған.

Хатта АҚШ пен Орталық Азия президенттерінің кездесуі 19- 20 қыркүйекте белгіленгені айтылады.

"Мен БҰҰ-ның Бас Ассамблеясының сессиясын тағатсыздана күтемін. Онда біз халық өміріндегі ең маңызды мәселелер бойынша шешімдерге келеміз. 19-20 қыркүйектегі “C5+1” форматындағы ресми кездесуде сіз және әріптестерімізбен бірге қауіпсіздік, экономика және экология бойынша жалпы мақсаттарға жетуді талқылаймыз деп үміттенемін", - деп жазған Джо Байден.

Abai.kz