Арнайы жер аударылған 251 мың адамның ісі Қазақстан президентінің архивіне жіберілген. Бұл қызығушылық танытқан адамдарға қолжетімді болады.
"Жыл соңына дейін 265 мың істі береміз. Жер аударылғандар, сотталғандардың 311 мыңы ақталды", - делінген мәліметте.
2020 жылы Қазақстан билігі саяси репрессия құрбандарын ақтау жөнінде мемлекеттік комиссия құруға бұйрық шығарған.
Бұл комиссияның алғашқы отырысы 2020 жылдың 3 желтоқсанында өткен. Сол кездегі комиссия төрағасы болған Қырымбек Көшербаев — "біздің мақсатымыз совет дәуірінде қуғынға ұшырған барлық саяси репрессия құрбандарын ақтау" деген.
Abai.kz
