Ақорданың бүгінгі ауыс-түйісі...
![](https://abai.kz/content/uploads/2023/09/ukruru.jpg)
Бүгін Ақордада ауыс-түйіс болды. Сонымен:
Бұрынғы ақпарат және қоғамдық даму министрі Дархан Қыдырәлі Сенат депутаты болып тағайындалды.
Биылғы жаңа кадрлар тағайындау кезінде Қыдырәліның орнына президент әкімшілігі жетекшісінің орынбасары болған Аида Балаева келді. Ведомство мәдениет және ақпарат министрлігі болып қайта құрылды.
Дархан Қыдырәлі бұған дейін Халықаралық Түркі академиясының президенті, «Егемен Қазақстан» республикалық газеті» акционерлік қоғамының Басқарма төрағасы болып қызметтер атқарған. «Аманат» партиясы (бұрынғы «Нұр Отан») саяси кеңесі бюросының мүшесі.
Сонымен бірге, Парламент Сенатының депутаты Асқар Шәкіровтің өкілеттілігі тоқтатылды. Ол көп жылдар Сыртқы Істер министрлігінде жұмыс істеді. Адам құқықтары жөніндегі уәкіл, Сенат Төрағасының орынбасары, Сенат депутаты болып қызмет атқарды.
Ал Ғабидолла Оспанқұлов ҚР Президенті аппараты басшысының бірінші орынбасарлығына тағайындалды.
Abai.kz