بۇگىن اقوردادا اۋىس-ءتۇيىس بولدى. سونىمەن:

بۇرىنعى اقپارات جانە قوعامدىق دامۋ ءمينيسترى دارحان قىدىرالى سەنات دەپۋتاتى بولىپ تاعايىندالدى.

بيىلعى جاڭا كادرلار تاعايىنداۋ كەزىندە قىدىرالىنىڭ ورنىنا پرەزيدەنت اكىمشىلىگى جەتەكشىسىنىڭ ورىنباسارى بولعان ايدا بالاەۆا كەلدى. ۆەدومستۆو مادەنيەت جانە اقپارات مينيسترلىگى بولىپ قايتا قۇرىلدى.

دارحان قىدىرالى بۇعان دەيىن حالىقارالىق تۇركى اكادەمياسىنىڭ پرەزيدەنتى، «ەگەمەن قازاقستان» رەسپۋبليكالىق گازەتى» اكتسيونەرلىك قوعامىنىڭ باسقارما توراعاسى بولىپ قىزمەتتەر اتقارعان. «امانات» پارتياسى (بۇرىنعى «نۇر وتان») ساياسي كەڭەسى بيۋروسىنىڭ مۇشەسى.

سونىمەن بىرگە، پارلامەنت سەناتىنىڭ دەپۋتاتى اسقار شاكىروۆتىڭ وكىلەتتىلىگى توقتاتىلدى. ول كوپ جىلدار سىرتقى ىستەر مينيسترلىگىندە جۇمىس ىستەدى. ادام قۇقىقتارى جونىندەگى ۋاكىل، سەنات توراعاسىنىڭ ورىنباسارى، سەنات دەپۋتاتى بولىپ قىزمەت اتقاردى.

ال عابيدوللا وسپانقۇلوۆ قر پرەزيدەنتى اپپاراتى باسشىسىنىڭ ءبىرىنشى ورىنباسارلىعىنا تاعايىندالدى.

Abai.kz