Ақмола облысының әкімі Марат Ахметжанов Көкшетауда орталықтандырылған жылу жүйесінің салынатынын айтты. Бүгінде мәселе үкіметте талқыланып, меморандумға қол қойылған.

«Жылу электр орталығын саламыз. Ол бізге үлкен пайда береді. Көкшетаудың инфрақұрылымы қосымша құбырға бейімделмегендіктен, мұны да ескеру керек. Бұл жылу электр стансасы жылумен ғана емес, ыстық сумен де қамтамасыз етеді. Электр қуатын да өндіреді. Осылайша, қаладағы мәселелер де шешілетін болады», - деді Ахметжанов.

ЖЭО құрылысы 2023 жылдың аяғына немесе 2024 жылдың басына жоспарланған.

Фото: ашық дереккөзден

Abai.kz