Қазақстанның Халық әртісі, әнші (тенор) Жүсіпбек Елебековтің (1904-1977) өмірі мен шығармашылығы жайында жарық көрген «Жүсіпбек  

Елебеков» кітабының тұсаукесеріне арналған баспасөз мәслихатының өтетін орны: Ұлттық кітапхана.

Уақыты: 2013 жылдың 14 қарашасы, бейсенбі, сағат 10.00-де 

          Үстіміздегі жылдың қазан айында Қазақстан Республикасының Мәдениет және ақпарат министрлігі Ақпарат және мұрағат комитеті «Әдебиеттің маңызды түрлерін басып шығару» бағдарламасы бойынша «Өнер» баспасынан «Әйгілі адамдар» сериясымен жазушы, өнертанушы Ерлан Төлеутайдың «Жүсіпбек Елебеков» атты кітабы жарыққа шықты. Аталмыш кітапта Қазақстанның халық артисі, әнші Жүсіпбек Елебековтің өнегелі өмірі мен тағлымды өнер жолы турасында егжей-тегжейлі баяндалады. Ғұмырнамалық хикаятта ұлы әншінің өмір сүрген дәуірі тұтас қамтыла зерттелген және Ж.Елебековтың замандастары, қазақ өнері мен мәдениетінің қайраткерлері, атап айтқанда: Қалибек Қуанышбаев, Ахмет Жұбанов, Шәкен Айманов, Әбікен Хасенов, Құрманбек Жандарбеков, Рамазан Елебаев, Орынбек Беков, Тоқбай Жұмағұлов және т.б. өнер тарландары жайында да құнды деректер молынан берілген.

Қазақстанның Халық әртісі, әнші (тенор) Жүсіпбек Елебековтің (1904-1977) өмірі мен шығармашылығы жайында жарық көрген «Жүсіпбек  

Елебеков» кітабының тұсаукесеріне арналған баспасөз мәслихатының өтетін орны: Ұлттық кітапхана.

Уақыты: 2013 жылдың 14 қарашасы, бейсенбі, сағат 10.00-де 

          Үстіміздегі жылдың қазан айында Қазақстан Республикасының Мәдениет және ақпарат министрлігі Ақпарат және мұрағат комитеті «Әдебиеттің маңызды түрлерін басып шығару» бағдарламасы бойынша «Өнер» баспасынан «Әйгілі адамдар» сериясымен жазушы, өнертанушы Ерлан Төлеутайдың «Жүсіпбек Елебеков» атты кітабы жарыққа шықты. Аталмыш кітапта Қазақстанның халық артисі, әнші Жүсіпбек Елебековтің өнегелі өмірі мен тағлымды өнер жолы турасында егжей-тегжейлі баяндалады. Ғұмырнамалық хикаятта ұлы әншінің өмір сүрген дәуірі тұтас қамтыла зерттелген және Ж.Елебековтың замандастары, қазақ өнері мен мәдениетінің қайраткерлері, атап айтқанда: Қалибек Қуанышбаев, Ахмет Жұбанов, Шәкен Айманов, Әбікен Хасенов, Құрманбек Жандарбеков, Рамазан Елебаев, Орынбек Беков, Тоқбай Жұмағұлов және т.б. өнер тарландары жайында да құнды деректер молынан берілген.

            «Жүсіпбек Елебеков» ғұмырнамалық хикаятының авторы, өнертанушы, әнші Ерлан Төлеутай жайында мәліметтер:

– Е. Бөкетов атындағы Қарағанды Мемлекеттік университетінің түлегі (тарих факультеті, 1994 ж.); ҚарМУ-дің археология-этнология және Қазақстан тарихы кафедрасында және аталмыш университеттің Жастар ісі жөніндегі комитетінде қызмет істеген (1994-1998); 

– Қарағанды қаласындағы жастардың интеллектуальдық БОТА (білімпаздар, ойшылдар, тапқырлар, алғырлар) орталығын құрушы және оның тұңғыш төрағасы (1996-2001);

– “Алтын Орда” республикалық тәуелсіз газетінің Қарағанды облысы бойынша меншікті тілшісі (2001-2002 жж.); „Қазақстан – Қарағанды“ телеарнасының редакторы (2003-2010 жж.);

– Республикалық „Алаш Орда“ газетінің бас редакторы қызметтерін атқарған (2008-2010 жж.);

– 2010 жылдан бері Шәкен Айманов атындағы «Қазақфильм» АҚ «анимациялық кино» шығармашылық бірлестігінің  редакторы.

          Қазақ музыка өнерінің тарихын зерттеумен 1990 жылдардан бастап айналыса бастаған. Халқымыздың музыка өнерінің алыптары, ұлы композиторлар – Жаяу Мұса, Мұстафа Бүркітбайұлы, Жарылғапберді Жұмабайұлы, Естай Беркімбайұлы және көрнекті әншілер – Қали Байжанов, Жабай Тоғандықов, Сапар, Балабек Ержановтар, Бісміллә Балабеков, Жүніс Шәймерденов және т.б. өнер тарландары туралы жазылған «Баянауылдың дәстүрлі ән өнері» кітабының авторы, Қазақстанның Халық әртісі, әнші Қайрат Байбосыновтың өмірі мен шығармашылығына арналған «Айбозым» кітабын құрастырушылардың бірі. Көптеген көркем, деректі және анимациялық фильмдердің сценарийлерінің авторы және редакторы. Республикалық БАҚ халқымыздың музыка өнерінің тарихы жөнінде тұрақты зерттеулері жарық көруде. Сондай-ақ, Ерлан Төлеутай хәкім Абайдың, Қасым Аманжоловтың, Мұқағалидың, Жұматай Жақыпбаевтың, Қайырбек Асановтың,  Марфуға Айтқожинаның, Тұрсын Жұмашевтің және т.б. ақындардың өлеңдеріне музыка жазған.

          Баспасөз мәслихатына қатысатындар: Кеңес Одағының және Қазақстанның Халық әртісі, КСРО Мемлекеттік және ҚР Мемлекеттік сыйлықтарының лауреаты Асанәлі Әшімов; музыкатанушы, зерттеуші Жарқын Шәкәрім; Құрманғазы атындағы Қазақ Ұлттық консервоториясының проректоры, Қазақстанның еңбек сіңірген қайраткері, профессор Ақтоты Райымқұлова; Мемлекеттік «Дарын» сыйлығының лауреаты, жазушы, кинодраматург Дидар Амантай, өнертанушы, әнші, кітаптың авторы Ерлан Төлеутай.

         Баспасөз мәслихатының жүргізушісі – Алматы қаласы тілдерді дамыту, мұрағаттар және құжаттама басқармасының бастығы Мамай Ахет.

         Баспасөз мәслихатын ұйымдастырушы: Жүсіпбек Елебеков атындағы республикалық эстрада-цирк колледжі.

        Шара Шәкен Айманов атындағы «Қазақфильм» АҚ және Алматы қалалық әкімдігінің қолдауымен өткізіліп отыр.