«جۇسىپبەك ەلەبەكوۆ» عۇمىرنامالىق حيكاياتى جارىق كوردى
قازاقستاننىڭ حالىق ءارتىسى، ءانشى (تەنور) جۇسىپبەك ەلەبەكوۆتىڭ (1904-1977) ءومىرى مەن شىعارماشىلىعى جايىندا جارىق كورگەن «جۇسىپبەك
ەلەبەكوۆ» كىتابىنىڭ تۇساۋكەسەرىنە ارنالعان ءباسپاسوز ءماسليحاتىنىڭ وتەتىن ورنى: ۇلتتىق كىتاپحانا.
ۋاقىتى: 2013 جىلدىڭ 14 قاراشاسى، بەيسەنبى، ساعات 10.00-دە
ۇستىمىزدەگى جىلدىڭ قازان ايىندا قازاقستان رەسپۋبليكاسىنىڭ مادەنيەت جانە اقپارات مينيسترلىگى اقپارات جانە مۇراعات كوميتەتى «ادەبيەتتىڭ ماڭىزدى تۇرلەرىن باسىپ شىعارۋ» باعدارلاماسى بويىنشا «ونەر» باسپاسىنان «ايگىلى ادامدار» سەرياسىمەن جازۋشى، ونەرتانۋشى ەرلان تولەۋتايدىڭ «جۇسىپبەك ەلەبەكوۆ» اتتى كىتابى جارىققا شىقتى. اتالمىش كىتاپتا قازاقستاننىڭ حالىق ءارتيسى، ءانشى جۇسىپبەك ەلەبەكوۆتىڭ ونەگەلى ءومىرى مەن تاعلىمدى ونەر جولى تۋراسىندا ەگجەي-تەگجەيلى باياندالادى. عۇمىرنامالىق حيكاياتتا ۇلى ءانشىنىڭ ءومىر سۇرگەن ءداۋىرى تۇتاس قامتىلا زەرتتەلگەن جانە ج.ەلەبەكوۆتىڭ زامانداستارى، قازاق ونەرى مەن مادەنيەتىنىڭ قايراتكەرلەرى، اتاپ ايتقاندا: قاليبەك قۋانىشباەۆ، احمەت جۇبانوۆ، شاكەن ايمانوۆ، ابىكەن حاسەنوۆ، قۇرمانبەك جانداربەكوۆ، رامازان ەلەباەۆ، ورىنبەك بەكوۆ، توقباي جۇماعۇلوۆ جانە ت.ب. ونەر تارلاندارى جايىندا دا قۇندى دەرەكتەر مولىنان بەرىلگەن.
قازاقستاننىڭ حالىق ءارتىسى، ءانشى (تەنور) جۇسىپبەك ەلەبەكوۆتىڭ (1904-1977) ءومىرى مەن شىعارماشىلىعى جايىندا جارىق كورگەن «جۇسىپبەك
ەلەبەكوۆ» كىتابىنىڭ تۇساۋكەسەرىنە ارنالعان ءباسپاسوز ءماسليحاتىنىڭ وتەتىن ورنى: ۇلتتىق كىتاپحانا.
ۋاقىتى: 2013 جىلدىڭ 14 قاراشاسى، بەيسەنبى، ساعات 10.00-دە
ۇستىمىزدەگى جىلدىڭ قازان ايىندا قازاقستان رەسپۋبليكاسىنىڭ مادەنيەت جانە اقپارات مينيسترلىگى اقپارات جانە مۇراعات كوميتەتى «ادەبيەتتىڭ ماڭىزدى تۇرلەرىن باسىپ شىعارۋ» باعدارلاماسى بويىنشا «ونەر» باسپاسىنان «ايگىلى ادامدار» سەرياسىمەن جازۋشى، ونەرتانۋشى ەرلان تولەۋتايدىڭ «جۇسىپبەك ەلەبەكوۆ» اتتى كىتابى جارىققا شىقتى. اتالمىش كىتاپتا قازاقستاننىڭ حالىق ءارتيسى، ءانشى جۇسىپبەك ەلەبەكوۆتىڭ ونەگەلى ءومىرى مەن تاعلىمدى ونەر جولى تۋراسىندا ەگجەي-تەگجەيلى باياندالادى. عۇمىرنامالىق حيكاياتتا ۇلى ءانشىنىڭ ءومىر سۇرگەن ءداۋىرى تۇتاس قامتىلا زەرتتەلگەن جانە ج.ەلەبەكوۆتىڭ زامانداستارى، قازاق ونەرى مەن مادەنيەتىنىڭ قايراتكەرلەرى، اتاپ ايتقاندا: قاليبەك قۋانىشباەۆ، احمەت جۇبانوۆ، شاكەن ايمانوۆ، ابىكەن حاسەنوۆ، قۇرمانبەك جانداربەكوۆ، رامازان ەلەباەۆ، ورىنبەك بەكوۆ، توقباي جۇماعۇلوۆ جانە ت.ب. ونەر تارلاندارى جايىندا دا قۇندى دەرەكتەر مولىنان بەرىلگەن.
«جۇسىپبەك ەلەبەكوۆ» عۇمىرنامالىق حيكاياتىنىڭ اۆتورى، ونەرتانۋشى، ءانشى ەرلان تولەۋتاي جايىندا مالىمەتتەر:
– ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ تۇلەگى (تاريح فاكۋلتەتى، 1994 ج.); قارمۋ-ءدىڭ ارحەولوگيا-ەتنولوگيا جانە قازاقستان تاريحى كافەدراسىندا جانە اتالمىش ۋنيۆەرسيتەتتىڭ جاستار ءىسى جونىندەگى كوميتەتىندە قىزمەت ىستەگەن (1994-1998);
– قاراعاندى قالاسىنداعى جاستاردىڭ ينتەللەكتۋالدىق بوتا ء(بىلىمپازدار، ويشىلدار، تاپقىرلار، العىرلار) ورتالىعىن قۇرۋشى جانە ونىڭ تۇڭعىش توراعاسى (1996-2001);
– “التىن وردا” رەسپۋبليكالىق تاۋەلسىز گازەتىنىڭ قاراعاندى وبلىسى بويىنشا مەنشىكتى ءتىلشىسى (2001-2002 جج.); „قازاقستان – قاراعاندى“ تەلەارناسىنىڭ رەداكتورى (2003-2010 جج.);
– رەسپۋبليكالىق „الاش وردا“ گازەتىنىڭ باس رەداكتورى قىزمەتتەرىن اتقارعان (2008-2010 جج.);
– 2010 جىلدان بەرى شاكەن ايمانوۆ اتىنداعى «قازاقفيلم» اق «انيماتسيالىق كينو» شىعارماشىلىق بىرلەستىگىنىڭ رەداكتورى.
قازاق مۋزىكا ونەرىنىڭ تاريحىن زەرتتەۋمەن 1990 جىلداردان باستاپ اينالىسا باستاعان. حالقىمىزدىڭ مۋزىكا ونەرىنىڭ الىپتارى، ۇلى كومپوزيتورلار – جاياۋ مۇسا، مۇستافا بۇركىتبايۇلى، جارىلعاپبەردى جۇمابايۇلى، ەستاي بەركىمبايۇلى جانە كورنەكتى انشىلەر – قالي بايجانوۆ، جاباي توعاندىقوۆ، ساپار، بالابەك ەرجانوۆتار، ءبىسمىللا بالابەكوۆ، ءجۇنىس شايمەردەنوۆ جانە ت.ب. ونەر تارلاندارى تۋرالى جازىلعان «باياناۋىلدىڭ ءداستۇرلى ءان ونەرى» كىتابىنىڭ اۆتورى، قازاقستاننىڭ حالىق ءارتىسى، ءانشى قايرات بايبوسىنوۆتىڭ ءومىرى مەن شىعارماشىلىعىنا ارنالعان «ايبوزىم» كىتابىن قۇراستىرۋشىلاردىڭ ءبىرى. كوپتەگەن كوركەم، دەرەكتى جانە انيماتسيالىق فيلمدەردىڭ ستسەناريلەرىنىڭ اۆتورى جانە رەداكتورى. رەسپۋبليكالىق باق حالقىمىزدىڭ مۋزىكا ونەرىنىڭ تاريحى جونىندە تۇراقتى زەرتتەۋلەرى جارىق كورۋدە. سونداي-اق، ەرلان تولەۋتاي حاكىم ابايدىڭ، قاسىم امانجولوۆتىڭ، مۇقاعاليدىڭ، جۇماتاي جاقىپباەۆتىڭ، قايىربەك اسانوۆتىڭ، مارفۋعا ايتقوجينانىڭ، تۇرسىن جۇماشەۆتىڭ جانە ت.ب. اقىنداردىڭ ولەڭدەرىنە مۋزىكا جازعان.
ءباسپاسوز ءماسليحاتىنا قاتىساتىندار: كەڭەس وداعىنىڭ جانە قازاقستاننىڭ حالىق ءارتىسى، كسرو مەملەكەتتىك جانە قر مەملەكەتتىك سىيلىقتارىنىڭ لاۋرەاتى ءاسانالى ءاشىموۆ; مۋزىكاتانۋشى، زەرتتەۋشى جارقىن شاكارىم; قۇرمانعازى اتىنداعى قازاق ۇلتتىق كونسەرۆوتورياسىنىڭ پرورەكتورى، قازاقستاننىڭ ەڭبەك سىڭىرگەن قايراتكەرى، پروفەسسور اقتوتى رايىمقۇلوۆا; مەملەكەتتىك «دارىن» سىيلىعىنىڭ لاۋرەاتى، جازۋشى، كينودراماتۋرگ ديدار امانتاي, ونەرتانۋشى، ءانشى، كىتاپتىڭ اۆتورى ەرلان تولەۋتاي.
ءباسپاسوز ءماسليحاتىنىڭ جۇرگىزۋشىسى – الماتى قالاسى تىلدەردى دامىتۋ، مۇراعاتتار جانە قۇجاتتاما باسقارماسىنىڭ باستىعى ماماي احەت.
ءباسپاسوز ءماسليحاتىن ۇيىمداستىرۋشى: جۇسىپبەك ەلەبەكوۆ اتىنداعى رەسپۋبليكالىق ەسترادا-تسيرك كوللەدجى.
شارا شاكەن ايمانوۆ اتىنداعى «قازاقفيلم» اق جانە الماتى قالالىق اكىمدىگىنىڭ قولداۋىمەن وتكىزىلىپ وتىر.
