Мәдениет және ақпарат министрлігі Қазақстан аймақтарында өңірлік нышандарды әзірлеуге қатысты жаңа ереже әзірледі. Аталмыш ереже ашық НҚА порталында қоғамдық талқыға ұсынылды. 

Ережеде логотипте ресми атаулардың мемлекеттік тілде жазылу керектігі шегеленіп жазылған.

Ережеге сәйкес, өңірлік нышандардың жобасын әзірлеуде геральдикалық тәртіпті, мемлекеттік мүддені, ұлттық құндылықтар мен дәстүрді, халықтар бірлігін, мәдени, тарихи, географиялық, саяси, әлеуметтік-экономикалық ерекшеліктер ескеріледі. 

Тағы бір маңызды талап – өңірлік нышандарда ресми атаулар мемлекеттік тілде жазылуы керек.

Логотип жобасы авторлық құқықты бұзуға немесе плагиатқа жол берілмейтін, бұрын қолданыста болмаған, елді мекеннің келешек бағыт-бағдарын айқындайтын тың туынды болуы тиіс.

Сурет: facebook.com

Abai.kz