Қазақстанда Сирияда соғысқан екі лаңкес сотталды. Бұл туралы ҚР  Ұлттық қауіпсіздік комитетінің баспасөз қызметі хабарлады.

«Ұлттық қауіпсіздік комитеті Қазақстанның екі азаматына қатысты тергеген қылмыстық істер бойынша сот процестері аяқталды. Олар 2020-2022 жылдары Сириядағы террористік ұйымдардың қатарында болған. Шетелдік серіктестермен бірлесе жүргізілген іс-шаралар нәтижесінде олар шетелде анықталып, елге жеткізіліп, қамауға алынды», - делінген дүйсенбі күні таратқан хабарламада.

Олардың бірі Түркістан облысының тұрғыны – лаңкестік топтың әрекетіне қатысқаны үшін кінәлі деп танылса (ҚК-нің 257-бабы), екіншісі Атырау қаласының тұрғыны – осыған ұқсас қылмыс жасағаны үшін сотталды.

«Екі сотталушыға да жазасын өтеудің әртүрлі мерзімдері тағайындалды, үкімдер заңды күшіне енді», - деп толықтырды Ұлттық қауіпсіздік комитеті.

Abai.kz