«Ақ жол» партиясының төрағасы Азат Перуашев президенттің Үкіметке тапсырмасы туралы айтты. Мәтін өзгеріссіз жарияланды.

Азат Перуашев, «Ақ жол» партиясының төрағасы:

- Бүгін президентіміз үкіметке келесідей тапсырмалар берді:

1. ҚҚС сараланған мөлшерлемелерін енгізу.

2. Жалпы бекітілген ҚҚС мөлшерлемесін ақылға қонымсыз деңгейге көтермеу.

Мемлекет басшысының тапсырмаларының өзі біздің шенеуніктерге әрең жетеді.

Естеріңізге сала кетейін, Қасым-Жомарт Кемелұлы мұндай тапсырманы бірінші рет осыдан үш жыл бұрын 2022 жылдың 1 қыркүйегіндегі Жолдауында жаңа Салық кодексін әзірлеуді тапсырған кезде берген болатын.

Ол кезде «Чиновник» ТА журналистері менің бұл бұйрыққа қатысты пікіріме назар аударған болатын (https://t.me/chinovnik_kz/1216).

Бұл түсінікті еді: «Ақ жол» Демократиялық партиясы 2011 жылдан бастап (әлеуметтік рөлі мен экономикадағы басымдылығына байланысты) салалық ҚҚС мөлшерлемелерін енгізуге ұмтылып, осы уақыт ішінде «велосипедті қайта ойлап табудың» орнына, онжылдықтар бойы ҚҚС сараланған мөлшерлемелері қолданылып келе жатқан ЕО және ЭЫДҰ елдерінің тәжірибесін пайдалану талаптарымен 30-ға жуық депутаттық сауал жолдады.

Демек, Президент бизнес пен ШОБ-тың мұң-мұқтажын жауапты министрлерден гөрі жақсы біледі.

Не дейміз? Қасым-Жомарт Кемелұлына алғыс айтамыз! Бірақ үкіметтің экономикалық блогындағы кадрлардың біліктілігіне үлкен күмән бар.

Ал енді, министр мырзалар, мемлекет басшысы тапсырғандай, ҚҚС мөлшерлемелерін және ШОБ үшін бөлшек сауда салығын сақтауды талқылайық.

Abai.kz