«اق جول» پارتياسىنىڭ توراعاسى ازات پەرۋاشەۆ پرەزيدەنتتىڭ ۇكىمەتكە تاپسىرماسى تۋرالى ايتتى. ءماتىن وزگەرىسسىز جاريالاندى.

ازات پەرۋاشەۆ، «اق جول» پارتياسىنىڭ توراعاسى:

- بۇگىن پرەزيدەنتىمىز ۇكىمەتكە كەلەسىدەي تاپسىرمالار بەردى:

1. ققس سارالانعان مولشەرلەمەلەرىن ەنگىزۋ.

2. جالپى بەكىتىلگەن ققس مولشەرلەمەسىن اقىلعا قونىمسىز دەڭگەيگە كوتەرمەۋ.

مەملەكەت باسشىسىنىڭ تاپسىرمالارىنىڭ ءوزى ءبىزدىڭ شەنەۋنىكتەرگە ارەڭ جەتەدى.

ەستەرىڭىزگە سالا كەتەيىن، قاسىم-جومارت كەمەلۇلى مۇنداي تاپسىرمانى ءبىرىنشى رەت وسىدان ءۇش جىل بۇرىن 2022 جىلدىڭ 1 قىركۇيەگىندەگى جولداۋىندا جاڭا سالىق كودەكسىن ازىرلەۋدى تاپسىرعان كەزدە بەرگەن بولاتىن.

ول كەزدە «چينوۆنيك» تا جۋرناليستەرى مەنىڭ بۇل بۇيرىققا قاتىستى پىكىرىمە نازار اۋدارعان بولاتىن (https://t.me/chinovnik_kz/1216).

بۇل تۇسىنىكتى ەدى: «اق جول» دەموكراتيالىق پارتياسى 2011 جىلدان باستاپ (الەۋمەتتىك ءرولى مەن ەكونوميكاداعى باسىمدىلىعىنا بايلانىستى) سالالىق ققس مولشەرلەمەلەرىن ەنگىزۋگە ۇمتىلىپ، وسى ۋاقىت ىشىندە «ۆەلوسيپەدتى قايتا ويلاپ تابۋدىڭ» ورنىنا، ونجىلدىقتار بويى ققس سارالانعان مولشەرلەمەلەرى قولدانىلىپ كەلە جاتقان ەو جانە ەىدۇ ەلدەرىنىڭ تاجىريبەسىن پايدالانۋ تالاپتارىمەن 30-عا جۋىق دەپۋتاتتىق ساۋال جولدادى.

دەمەك، پرەزيدەنت بيزنەس پەن شوب-تىڭ مۇڭ-مۇقتاجىن جاۋاپتى مينيسترلەردەن گورى جاقسى بىلەدى.

نە دەيمىز؟ قاسىم-جومارت كەمەلۇلىنا العىس ايتامىز! بىراق ۇكىمەتتىڭ ەكونوميكالىق بلوگىنداعى كادرلاردىڭ بىلىكتىلىگىنە ۇلكەن كۇمان بار.

ال ەندى، مينيستر مىرزالار، مەملەكەت باسشىسى تاپسىرعانداي، ققس مولشەرلەمەلەرىن جانە شوب ءۇشىن بولشەك ساۋدا سالىعىن ساقتاۋدى تالقىلايىق.

Abai.kz