Кәмелетке толмаған Шерзат Болатты өлтіру қылмысы бойынша тыңдау Жетісу облысының қылмыстық істер жөніндегі ауданаралық сотында өтіп жатыр. Сот өндірісі қазақ тілінде. Процеске көп ақпарат құралдары мен бақылаушылар жиналған. Журналистер мониторы бар бөлмеге кіргізілген.

Істе 62 том бар. 200-ге жуық куәгер тартылған, 40 сот сараптамасы жүргізілген. 11 күдікті бар.

Қылмыс Талғарда болғанмен сот не үшін Талдықорғанда өткізіліп жатыр деген сұрақ жиі қойылып жатыр. Жоғарғы сот мұны күдіктілердің көбі Талдықорғандағы уақытша қамау изоляторында отырғандығымен түсіндірген.

16 жастағы Шерзат Болат 2024 жылғы 4 қазанда өзінің отбасы жалға алып отырған Талғардағы дүкен маңында қаза болған.

Дереккөз: Азаттық радиосы

Abai.kz