Шиелі аудандық көпбейінді орталық ауруханасында 30 төсектік инфекциялық бөлімше жұмыс істей бастады.

20 орын балаларға және 10 орын ересек пациенттерге арналған (40-қа дейін ұлғайту мүмкіндігі бар). Бөлімшеде үш дәрігер, оның ішінде меңгеруші, балалар мен ересектер инфекционистері, сондай-ақ орта және кіші медицина қызметкерлері жұмыс істейді.

Бөлімше құрылымында электрондық төсектері бар 5 бокс палатасы, 25 төсекке арналған 13 жалпы палата, шұғыл жағдайларға арналған реанимациялық палата, емшара және қарау кабинеттері, шағын операциялық блок бар.
Барлық палаталар бактерицидтік сәулелендіргіштермен және шприц диспенсерлерімен жарақталған. Жабдық қауіпсіздік стандарттарына сәйкес келеді.

Бөлімше тәулік бойы стационарлық режимде жұмыс істейтін болады. Мұнда жіті ішек инфекциялары, ЖРВИ, ларингит және басқа да ауа-тамшы инфекциялары, тері инфекциялық аурулары, жіті және созылмалы түрдегі бруцеллезі бар пациенттерге медициналық көмек көрсетілетін болады.

Ең қауіпті инфекцияларды ерте диагностикалауға, оқшаулауға және емдеуге дайындыққа ерекше назар аударылады. Бұл әсіресе маңызды, өйткені Шиелі ауданы Конго-Қырым геморрагиялық қызбасының эндемиялық аймағына жатады.

Abai.kz