Ресей президентінің әлеуметтік процестерді мониторингтеу және талдау мәселелері жөніндегі басқармасының бастығы Александр Харичев «Государство» журналына арналған «Кто мы?» атты мақаласында: «Ресейде әлеуметтік, экономикалық және саяси қақтығыстар салдарынан азаматтық соғыс өршуі мүмкін», - деп ескертті.

Харичевтің пікірінше, азаматтық соғыс - Ресейдің алдында тұрған бес сын-қатердің бірі. Бұдан басқа, елге саяси, аумақтық және мәдени егемендіктің жоғалуы, депопуляция, азаматтардың билікке деген сенімінің жоғалуы және саяси жүйенің құлауы, сондай-ақ «адамгершіліктен арылу» және ресейліктердің «тұтыну субъектілеріне» айналуы қауіп төндіреді.

Кремль өкілі азаматтық соғыс қатеріне ынтымақты және топтасқан әлеуметтік қоғамды қалыптастыру жауап болға тиіс екенін атап өтті. Харичев осындай қоғамды «өз өркениеттік кодына» негізделетін «Өзіміздікін тастамаймыз» идеологиясының көмегімен құруды ұсынды. Дәл осы идеология «егемендікті жоғалтудан» қорғап қалуға тиіс. Харичев таяу арада барлық билік органдарын, білім беру мекемелері мен мемлекеттік құрылымдарды азаматтарда тиісті тетіктерді қалыптастыруға міндеттейтін «патриоттық» тәрбие туралы заңның қабылданатынын жариялады.

Бұл ретте Харичев Украинаға қарсы соғыс қазіргі сәтте «егемендікті жоғалтудың» алдын алуға көмектескенін атап өтті. «Ресей элитасы балаларды шетелге оқуға жіберуге, шетелде өздеріне зейнетақы құрылымын қалыптастыруға ұмтылды. Кім байыса - бір жерде алтынды жағалауда, кім жеңіске жетсе - Черногорияда. Яғни біз элитамызды жоғалтып алдық... Біраз уақыттан кейін біз экономикалық, технологиялық және саяси әлеуетімізді жоғалтқан елге айналып шыға  келер едік. Ресей үшін соғыс бәрін тазартатын сын сағатқа айналды», - деп атап өтті шенеунік.

Өз кезегінде Харичев Ресейге қауіп төндіретін депопуляцияны «жалпы әлемдік проблемаға глобалистік эксперименттің ықпалының әсері» және «ойлауды барабар емес және ойластырылмаған конструкциямен зақымдайтын вирус» деп атады. Оның айтуынша, чайлдфри мен ЛГБТ насихаты «демографиялық шыңырауға» және «халықтың жойылуына» бастап алып келеді. Осы сын-қатерге жауап ретінде Харичев отбасылық құндылықтарды дәріптеуді және көп балалы отбасыларды құрметеу үрдісін қалыптастыруды ұсынды. Атап айтқанда, шенеунік отбасында тек үш бала болатын фильмдер түсіру қажет деп есептейді.

Азаматтардың билікке деген сенімін арттыру үшін Харичев басқару принципі - меритократияны қолдану қажет деп санайды, оған сәйкес басшы лауазымдарды ең қабілетті адамдар атқарады. Ресейліктердің «адамгершіліктен арылуына» жауап ретінде шенеунік «болашақ адамын» тәрбиелеуді ұсынды, оның негізгі құндылықтары «белсенді патриотизм», жасампаз еңбек, қызмет, ынтымақтастық, халықтар бірлігі және дәстүрлі адамгершілік нормалар болады. «Бізге диванда дауырағатандар емес, өздеріне, өз отбасына және өз еліне жауап беруге дайын патриоттар керек», - деп өз ойын қортындылайды Харичев.

Abai.kz