ҚР ҰҚК 2026 жылғы қаңтардағы сыбайлас жемқорлыққа қарсы іс-қимыл нәтижелері туралы мәлімдеді.

Жыл басынан 126 қылмыстық құқық бұзушылық тіркелген, оның ішінде 110 сыбайлас жемқорлық ісі. Сыбайлас жемқорлық фактілерінің басым бөлігі парақорлық, алаяқтық және лауазымдық өкiлеттiктерді теріс пайдалану сияқты қылмыстарға қатысты.

«89 адамның заңсыз қызметі тоқтатылды. 129 қылмыстық істі тергеу аяқталды, оның 121 сотқа жіберілді. Анықталған залал сомасы (аяқталған қылмыстық істер бойынша) 18 млрд теңгені құрады, бюджетке 100 млн теңгеден астам қайтарылды. Бұл бағыттағы жұмыстар жалғасуда», - дейді ҰҚК баспасөз қызметі.

Abai.kz