Қазақстанның Еңбек сіңірген қайраткері, белгілі ақын Жүрсін Ерманов конституциялық реформаға қатысты өз ойын білдірді.

«Еліміздің көшбасшысы Қасым-Жомарт Кемелұлы Тоқаевтың бастамасымен конституциялық реформа жүргізу жөніндегі жұмыстар басталғалы елдің ішінде едәуір өзгерістер болып отыр.Елдің тәуелсіздігін, жердің бүтіндігін, ұлттың амандығын қостайтын азаматтардың барлығы пікірлерін білдіріп жатыр. Конституцияның баптарын өзгерту жөнінде қаншама ұсыныстар түскен.

Оның барлығын бәріміз қол аяғымызды көтеріп қолдайтын ұсыныстар. Жаңадан құрылатын Халық кеңесі бірқатар іргелі өзгерістердің басында тұрған шара болып көрінеді. Конституциялық реформа деген оңай шаруа емес. Барлығы жақсылыққа бастасын. Елдің, халықтың үміті  жаңа саяси жаңғырудың жолында болып отыр. Мен шығармашылық интеллегенцияның өкілі ретінде осының бәрін қолдаймыз»- деп атап өтті Жүрсін Ерманов.

Abai.kz