Ең жоғары белсенділікті Қызылорда облысы көрсетті. 93,04%. Басым өңірлерде явка 70 пайыздан асты. Қазақстан өзінің тарихи референдумын өте жоғары дәрежеде ұйымдастырды. Адамдардың дауыс беруге белсенді келуі өте ауқымды және сауатты ақпараттық және үгіт-насихат жұмыстарының нәтижесі деп айта аламыз. Барлық жерде кезектер байқалды. Азаматтар өздерінің конституциялық құқықтарын жүзеге асыру үшін сайлау учаскелеріне асықты. Тіпті Жетісу облысында сайлауға тұтас ауыл болып дауыс беруге қатысқан жаңалықтарды естідік. Бүгін мерекелік әрі жағымды атмосфера қалыптасып, жәрмеңкелер, перформанстар, концерттер өтті. Танымал тұлғалар мен жұлдыздар да дауыс беруге келіп, азаматтарды белсенділік танытуға шақырды.

Ең бастысы референдум тыныш әрі заңбұзушылықсыз өтті. Мұны халықаралық бақылаушылар мен басқа елдердің орталық сайлау органдары да атап көрсеткен. Себебі, барлық ұйымдастыру шаралары сауатты жүргізілді. Нәтижесінде қатысу деңгейі бұрынғы референдумдармен салыстырғанда жоғары болды. Бұл азаматтардың мемлекеттік реформаларды қолдайтынын және маңызды шешімдерді референдум арқылы халықпен бірге қабылдаудың ең ұтымды идея екенін дәлелдеп отыр.