ەڭ جوعارى بەلسەندىلىكتى قىزىلوردا وبلىسى كورسەتتى. 93,04%. باسىم وڭىرلەردە ياۆكا 70 پايىزدان استى. قازاقستان ءوزىنىڭ تاريحي رەفەرەندۋمىن وتە جوعارى دارەجەدە ۇيىمداستىردى. ادامداردىڭ داۋىس بەرۋگە بەلسەندى كەلۋى وتە اۋقىمدى جانە ساۋاتتى اقپاراتتىق جانە ۇگىت-ناسيحات جۇمىستارىنىڭ ناتيجەسى دەپ ايتا الامىز. بارلىق جەردە كەزەكتەر بايقالدى. ازاماتتار وزدەرىنىڭ كونستيتۋتسيالىق قۇقىقتارىن جۇزەگە اسىرۋ ءۇشىن سايلاۋ ۋچاسكەلەرىنە اسىقتى. ءتىپتى جەتىسۋ وبلىسىندا سايلاۋعا تۇتاس اۋىل بولىپ داۋىس بەرۋگە قاتىسقان جاڭالىقتاردى ەستىدىك. بۇگىن مەرەكەلىك ءارى جاعىمدى اتموسفەرا قالىپتاسىپ، جارمەڭكەلەر، پەرفورمانستار، كونتسەرتتەر ءوتتى. تانىمال تۇلعالار مەن جۇلدىزدار دا داۋىس بەرۋگە كەلىپ، ازاماتتاردى بەلسەندىلىك تانىتۋعا شاقىردى.

ەڭ باستىسى رەفەرەندۋم تىنىش ءارى زاڭبۇزۋشىلىقسىز ءوتتى. مۇنى حالىقارالىق باقىلاۋشىلار مەن باسقا ەلدەردىڭ ورتالىق سايلاۋ ورگاندارى دا اتاپ كورسەتكەن. سەبەبى، بارلىق ۇيىمداستىرۋ شارالارى ساۋاتتى جۇرگىزىلدى. ناتيجەسىندە قاتىسۋ دەڭگەيى بۇرىنعى رەفەرەندۋمدارمەن سالىستىرعاندا جوعارى بولدى. بۇل ازاماتتاردىڭ مەملەكەتتىك رەفورمالاردى قولدايتىنىن جانە ماڭىزدى شەشىمدەردى رەفەرەندۋم ارقىلى حالىقپەن بىرگە قابىلداۋدىڭ ەڭ ۇتىمدى يدەيا ەكەنىن دالەلدەپ وتىر.