Қырғызстанда өтіп жатқан VI Дүниежүзілік көшпенділер ойындарында Қазақстан құрамасы аударыспақтан екі алтын медальді қоржынға салды.

63 келіге дейінгі салмақ дәрежесінде өнер көрсеткен Нұрталап Керім финалдық белдесуде Қырғызстан спортшысынан басым түсіп, жарыс чемпионы атанды. Ал 70 келіде сынға түскен Сайлау Мұхаммеджан да финалда алаң иелерінің өкілін 2:1 есебімен ұтып, алтын жүлдеге ие болды. Бұл – Қазақстан құрамасының бұл дүбірлі додадағы алғашқы алтын медальдары.

Аударыспақ туралы:

Аударыспақ – ат үстінде күш пен ептілікті, шапшаңдық пен батылдықты талап ететін қазақтың дәстүрлі ұлттық спорты. Бүгінде елімізде 11,5 мыңнан астам адам аударыспақпен тұрақты түрде шұғылданады.

Айта кетейік, биылғы VI Дүниежүзілік көшпенділер ойындарында еліміздің намысын 150-ден астам спортшы қорғап жатыр.

Дереккөзі: Қазақпарат

Abai.kz