قىرعىزستاندا ءوتىپ جاتقان VI دۇنيەجۇزىلىك كوشپەندىلەر ويىندارىندا قازاقستان قۇراماسى اۋدارىسپاقتان ەكى التىن مەدالدى قورجىنعا سالدى.

63 كەلىگە دەيىنگى سالماق دارەجەسىندە ونەر كورسەتكەن نۇرتالاپ كەرىم فينالدىق بەلدەسۋدە قىرعىزستان سپورتشىسىنان باسىم ءتۇسىپ، جارىس چەمپيونى اتاندى. ال 70 كەلىدە سىنعا تۇسكەن سايلاۋ مۇحاممەدجان دا فينالدا الاڭ يەلەرىنىڭ وكىلىن 2:1 ەسەبىمەن ۇتىپ، التىن جۇلدەگە يە بولدى. بۇل – قازاقستان قۇراماسىنىڭ بۇل ءدۇبىرلى دوداداعى العاشقى التىن مەدالدارى.

اۋدارىسپاق تۋرالى:

اۋدارىسپاق – ات ۇستىندە كۇش پەن ەپتىلىكتى، شاپشاڭدىق پەن باتىلدىقتى تالاپ ەتەتىن قازاقتىڭ ءداستۇرلى ۇلتتىق سپورتى. بۇگىندە ەلىمىزدە 11,5 مىڭنان استام ادام اۋدارىسپاقپەن تۇراقتى تۇردە شۇعىلدانادى.

ايتا كەتەيىك، بيىلعى VI دۇنيەجۇزىلىك كوشپەندىلەر ويىندارىندا ەلىمىزدىڭ نامىسىن 150-دەن استام سپورتشى قورعاپ جاتىر.

دەرەككوزى: قازاقپارات

Abai.kz