Олар - тұтас бір ұрпақтың дәуірін қалыптастырды. Олар - өздерімен тұстас буынның бойындағы буырқанған күшті, құрышқанат құлшынысты, жасампаздықты әйгілі етті. Олар - отаршылдық саясаттың құрсауынан саңлау тауып қазақтың азаттыққа деген аңсарын әнмен жеткізді. Ауылдағы аңғал бозбаладан, қаладағы аусар бозымбайға дейін оларға еліктеп бақты. Олар деп отырғанымыз даңқты - Дос Мұқасан ансамблі.

Олар - тұтас бір ұрпақтың дәуірін қалыптастырды. Олар - өздерімен тұстас буынның бойындағы буырқанған күшті, құрышқанат құлшынысты, жасампаздықты әйгілі етті. Олар - отаршылдық саясаттың құрсауынан саңлау тауып қазақтың азаттыққа деген аңсарын әнмен жеткізді. Ауылдағы аңғал бозбаладан, қаладағы аусар бозымбайға дейін оларға еліктеп бақты. Олар деп отырғанымыз даңқты - Дос Мұқасан ансамблі.

Дос Мұқасан тобының әншісі Бақыт Жұмаділовтың таяуда жолкөлік апатына ұшырап қаза тапқаны қабырғамызды қайстырып кетті. Бақыттың қасында досы Досым Сүлеев (суретте) болған екен. Досым ауыр халде ауруханаға түскен-ді. Сол хабарды естігелі алаңдаулымыз. Алайда, бізден басқа жұрт бұл жайтқа елең етпейтін сияқты. Ресейдің бір өнерпазы бақиға аттанса немесе төсек тартып аура  қалса, әлгінің қал-жағдайын күнде жұртқа жария етіп, амандығын Құдайынан сұрап жалбарынатын еліміздегі орыстілді баспасөз тіпті жайбырақат. Жә, ол енді басқа әңгіме. Досым Сүлеев қазір не қалде? Есін жиды ма? Қашан шығады? Досекең бүгінде қандай қызметте? Осы саулдарды Дос Мұқасан ансамблінің жетекшісі Мұрат Құсайыновқа қойған болатынбыз. Мүкең бізге алдымен кейіп алды. Кейитіндей жөні де бар екен. Өйткені, КТК арнасы «Мұрат Құсайынов Бақыт Жұмаділовпен бірге Қордай асуынан құлап, ауыр қалде ауруханада жатыр» деп хабар таратып жіберіпті. «Қазақ журналистері, сендер әлдекімдер секілді  жеңіл желпіге әуейіленбесеңдерші» деп ескерту жасап алған Мүкең былай деді:

-  Мен Дос Мұқасан группасының жтекшісі - Мұрат Құсайыновпын. Менің айтқанымның бәрі шындық. Былай жазыңдар онда. Досым Сүлеевтің жағдайы жақсы. Жазылып келе жатыр. Денсаулығына зақым келген. Қабырғалары сынған. Бірақ өміріне қауіпті емес. Бақыт Жұмаділовтың қазасы туралы біледі. Естіді. Оны қазбалай беретін не бар?.. Екеуі бірге болған, білесіздер. Бақыттың қайтыс болғанын да естірттік. Алдында білмеген. Сосын естіді.

Дәрігерлер бір екі күнде орнынан тұруға рұқсат береді Досымға.

Менен де звондап сұрайтындар көп қазір «бірге болдыңыз ба?» деп. Мен болған жоқпын. КТК менің суретімді көрсетіп, мені хал үстінде жатыр депті. Енді сотқа бермекпін оларды. Олай болмайды ғой. Шаршатты. Досым ағаңыз қазір Сәтбаев университетінің почетный ректор деген статусын алды. Тікелей басқармағанымен, ақылшы кеңесші ретінде. Негізінен қоғамдық мәдени жұмыстармен айналысады. Кабинеті, жұмыс көлігі, жалақысы бар. Ары қарай жастарды тәрбиелеумен айналысуда.

Досымға бүгін ғана біздің жігіттер кіріп шығыпты. Мен ол кісіні кеше көргенмін. Бәрі жақсы. Досымды «жан сақтау бөлімінде ессіз жатыр» деген сөз жаңсақ сөз. Қауесет. Тамақ жейді. Қай больнициада екенін айтпай-ақ қояйын. Журналистер маза бермейді. Орталық ауруханалардың бірінде. Таяуда шығады. Қатарымызға қосылады.

«Абай-ақпарат»