Бұл сурет Париж қаласында түсірілген. Шалбарын дәл осылай киіп жүрген француз жігіттерін жиі кездестіруге болады. Тіпті бұдан да сорақылау. Есесіне ашылып-шашылып киініп жүрген қыздардың қарасы аз. Сондықтан да бұл елде қос жыныстылардың, әсіресе, еркек пен еркектің отбасын құруына Заңның өзі мүмкіндік берген.

«Қой, өздерімен кетсін» деп жағамызды тістеп, теріс қарап «шырт» түкіріп жүргенбіз. Сөйтсек, бұл өзі ауру вирусы сияқты тез тарайтын дүние екен. Осы күнге дейін «Кіндігің ашылды, ойбай, жап» деп қыз-қырқынға өкпелеп жүрсек,  ендігі уақытта жықпысы көрінген жігіттердің «құйрығын» жабу қиынға соғатын түрі бар.

Кеше ғана Алматылық арулардың артынан түсірілген суреттер әлеуметтік желілерді шарласа, іле-шала шымкенттік азаматтардың тойда шалбарын шешіп, турсимен биге басқан видеосы елдің жағасын ұстатты.  

Арты ашылған деген осы болар...

Хазірет Әбділда

Abai.kz