Бұл туралы бүгін ҚР Президенті жанындағы Орталық коммуникациялар қызметінде өткен брифингте ҚР Сыртқы істер министрінің орынбасары Самат Ордабаев мәлімдеді.

- Еуразиялық экономикалық комиссия тарапынан алғашында бізге 2 мыңға жуық беттен тұратын ЕЭО жайындағы Шарттың жобасын ұсынған болатын. Біз оны дәл сол қалпында қарастырудан бірден бас тартып, оны институционалдық (құрылтайлық) және функционалдық (экономикалық) деп екіге бөліп тастадық. Шарттың институционалдық бөліміне тоқталып өтетін болсам, Минск пен Мәскеу Қазақстан ұсынған әдіснамалық тәсілді қабылдаған болатын. Ол бойынша бірінші Шартты кезең-кезең бойынша құрып аламыз, одан кейін барып стратегиялық қадамдар тұрғысынан мәмлеге келе отырып екінші бөлімін құрамыз. Бұл әдістің қабылдануы біздің ұлттық мүддемізді Шарттың негізіне сала отырып құруға мүмкіндік берді, - деп атап өтті ол.

Baq.kz