بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قر سىرتقى ىستەر ءمينيسترىنىڭ ورىنباسارى سامات ورداباەۆ مالىمدەدى.

- ەۋرازيالىق ەكونوميكالىق كوميسسيا تاراپىنان العاشىندا بىزگە 2 مىڭعا جۋىق بەتتەن تۇراتىن ەەو جايىنداعى شارتتىڭ جوباسىن ۇسىنعان بولاتىن. ءبىز ونى ءدال سول قالپىندا قاراستىرۋدان بىردەن باس تارتىپ، ونى ينستيتۋتسيونالدىق (قۇرىلتايلىق) جانە فۋنكتسيونالدىق (ەكونوميكالىق) دەپ ەكىگە ءبولىپ تاستادىق. شارتتىڭ ينستيتۋتسيونالدىق بولىمىنە توقتالىپ وتەتىن بولسام، مينسك پەن ماسكەۋ قازاقستان ۇسىنعان ادىسنامالىق ءتاسىلدى قابىلداعان بولاتىن. ول بويىنشا ءبىرىنشى شارتتى كەزەڭ-كەزەڭ بويىنشا قۇرىپ الامىز، ودان كەيىن بارىپ ستراتەگيالىق قادامدار تۇرعىسىنان ماملەگە كەلە وتىرىپ ەكىنشى ءبولىمىن قۇرامىز. بۇل ءادىستىڭ قابىلدانۋى ءبىزدىڭ ۇلتتىق مۇددەمىزدى شارتتىڭ نەگىزىنە سالا وتىرىپ قۇرۋعا مۇمكىندىك بەردى, - دەپ اتاپ ءوتتى ول.

Baq.kz