Түркияның spor.mynet.com сайты өз оқырмандарына сүйіншілі хабар жеткізіп отыр. Олардың жазуынша, біздің «Самұрық-қазына» әл-ауқат қоры Түркияның «Галатасарай» футбол командасына 40 миллион еуро беретін көрінеді.

«Клуб формасының төсбелгісіндегі жарнаманың кассаға әкелетін қаржысы 40 миллион еуро болмақ», - деп жазады spor.mynet.com.

Айта кетерлігі, осыған дейін «Галатасарай» командасының басынан дау арылмай келіпті. Аталған сайттың хабарлауынша, қарызға белшесінен батқан команда қазақстандық «Самұрық-қазына» әл-ауқат қорымен ғана әл жинайтын сияқты. «Шекербанк» арқылы жасалған келісім 5 жылға белгіленіп, алғашқы төлем 2015 жылдың басында жасалатын болыпты. 

P.S.

Сонымен еліміздің бас әл-ауқат қоры "Самұрық-қазына" басынан дау арылмай келе жатқан түріктің футбол клубына 40 миллион еуро беретін болып жатыр. Не үшін?

Abai.kz